Die vreugdevolle tonele wat in die inleiding beskryf word, is deel van gradeplegtighede regoor Suid-Afrika. Op 22 en 23 Mei was dit weer so toe die NWU eredoktorsgrade aan adv Thuli Madonsela, dr Imtiaz Ismail Sooliman en prof Monica Ferreira toegeken het.

 

Die Totius-saal op die kampus in Potchefstroom het behoorlik vibreer van opwinding toe familie, vriende en lede van die publiek hierdie luisterryke gebeurtenis bygewoon het.

 

Grade vir die beste van die bestes

 

Adv Thuli Madonsela het ’n eredoktorsgraad ontvang vir haar rol in die bevordering van demokrasie in Suid-Afrika, met die klem op goeie beheer en aanspreeklikheid.

 

Onder die talle toekennings wat sy ontvang het, is erelidmaatskap van die Botswana-balie van die Botswana Lawyers Association, die Commonwealth Lawyers Association se Truth and Justice-toekenning, en ’n plek op Time Magazine se lys as een van die top- 100 invloedrykste persone in die wêreld.

 

Sy sê hoewel dit haar sesde eredoktorsgraad is, het sy sedertdien besef dat sy en die NWU dieselfde doelwit najaag, naamlik maatskaplike responsiwiteit.

 

Kom huis toe om vereer te word

 

Die stigter van die niewinsgewende organisasie Gift of the Givers, dr Imtiaz Sooliman, het erkenning ontvang vir sy buitengewone leierskap, mensvaardighede, filantropie en oorgrens- en internasionale samewerking om hulp tydens rampe te verskaf.

 

Al is dit sy agtste eredoktorsgraad, sê hy dis vir hom ’n groot eer.

“Potchefstroom is my tuisdorp, en om ’n akademiese instelling van my tuisdorp te hê wat my vir my harde werk vereer, is ’n wonderlike ervaring. Ek is 45 jaar gelede uit die dorp weg, en dit is net hartseer dat my ouers nie hier is om hierdie geleentheid by te woon nie; hulle sou in die wolke wees,” sê hy.

 

Plaas veroudering op die wêreldverhoog

 

Prof Monica Ferreira is vereer as Afrika se mees prominente eerstegenerasie-eksponent van navorsing oor die ontwikkeling van ’n beleid oor veroudering, wat op nasionale skaal erkenning probeer verkry vir Afrika-kwessies en ’n bydrae lewer tot die internasionale gesprek oor hierdie saak.

 

Sy lewer steeds ’n aktiewe bydrae as die erevoorsitter van die enigste internasionale sentrum oor langslewendheid (International Longevity Centre, ILC) in Afrika, nadat sy saam met barones Sally Greengross in die Verenigde Koninkryk as medevoorsitter van die wêreldalliansie (Global Alliance) gedien het.

 

Die NWU sien uit na die wonderlike werk wat hierdie drie uitmuntende leiers saam met die universiteit gaan doen.