NUUs
INHOUD
Vorige
<
ʼn Alumni-werkswinkel op 13 Maart in Potchefstroom het kort op die hakke van die sake-ontbyt gevolg. By die werkswinkel is van links GP van Rheede van Oudtshoorn, Suzanne Coetzer, Abigail Leshope en Nkateko Khoza.
Verstaan die werksomgewing
Dikwels ervaar senior studente ’n kombinasie van opgewondenheid en angs wanneer op die punt staan om hul loopbane af te skop.
Die doel van die werkswinkel oor entrepreneurskap wat op 13 Maart 2019 in Potchefstroom gehou is, was om hulle moed in te praat en te bemagtig.
GP van Rheede van Oudtshoorn en Nkateko Khoza het tydens hierdie geleentheid ongeveer 70 honneursgraad- en meestersgraadstudente toegespreek en veral hul ervaring in die werksomgewing gedeel.
GP, ’n senior bemarker by die NWU se eenheid Bemarking en Studentewerwing, is ʼn suksesvolle entrepreneur wat as motiveringspreker en vermaaklikheidskunstenaar sy eie sakeonderneming bestuur.
Nkateko is die HUB van Leza Private Equity, wat ’n beleggingsmaatskappy is met sy basis in Sandton, Johannesburg.
’n Beter toekoms op sake-ontbyt se spyskaart
Ongeveer 52% van die jongmense in Suid-Afrika is werkloos.
Dit is volgens Statistieke Suid-Afrika se verslag vir 2018 en die Spectator-indeks, wat die werkloosheidskoers van Suid-Afrika se jeug in 2018* as die hoogste in die wêreld plaas.
Geen wonder dat werkloosheid onder die jeug hoog op die agenda was van die sake-ontbyt wat op 8 Maart 2019 vir NWU-alumni en vriende op die kampus in Vanderbijlpark gehou is nie.
By die ontbyt in Vanderbijlpark is van links Nkateko Khoza, Zanele Ngobese, Michelle Groenewald, Clement Manoko, Sysman Motloung, Olivia Vaughn, Lesego More en Warren Makgowe.
Met die tema “Building a future that works for us” het verskeie sprekers die begrotingstoespraak en president Cyril Ramaphosa se staatsrede bespreek. ’n Onderwerp wat dikwels opgeduik het, was dat jongmense bemagtig moet word om na hulself om te sien en dat hulle ten volle voorberei moet word om die arbeidsmark te betree.
Alumnus Nkateko Khoza, die HUB van Leza Private Equity, het gesê die hoë mislukkingskoers van ondernemings wat deur jong mense besit word, moet dringend aandag kry.
Nog ’n spreker, Michelle Groenewald, glo daar moet ’n nasionale gesprek oor werkloosheid wees en alle Suid-Afrikaners moet ’n bydrae tot die besprekings, kritiek, beleidsvoorstelle en oplossings lewer.
Michelle, wat ’n dosent in ekonomie in die Fakulteit Ekonomiese en Bestuurswetenskappe in Vanderbijlpark is, stem saam dat entrepreneurskap ’n lewensvatbare oplossing vir werkloosheid is, maar waarsku dat dit nie as die enigste oplossing beskou moet word nie.
DIE NWU & U
Stuur gerus vir ons julle kommentaar, voorstelle en enige ander bydraes wat julle wil lewer, byvoorbeeld foto's of nuusbrokkies.
Ons waardeer julle opinies en insette – die NWU & U behoort immers aan ons almal.
Navigasie
>
<
VOLGENDE ARTIKEL
VORIGE ARTIKEL
KLANK
video
mEER inLIGTING
KLIK
DEEL
Die Britse tydskrif, Spectator, publiseer die Spectator Index, wat die stand van onder meer gobale politiek, ekonomie, sport, wetenskap en tegnologie moniteer.
Van die lande wat hulle gelys het, het die Spectator-indeks die vyf lande genoem wat die hoogste werkloosheidskoers het, met Suid-Afrika op 52,8%, gevolg deur Griekeland (36,8%)‚ Spanje (34,9%)‚ Nigerië (33,1%) en Italië (32,5%).
*Hou egter in gedagte dat nie alle lande hul werkloosheid onder die jeug op dieselfde manier bereken nie – dit is dus nie altyd presies vergelykbaar nie.