Weens die Covid-19-pandemie kon die NWU nie soos gewoonlik die finalejaarstudente van 2020 byeen laat kom om van hulle afskeid te neem nie. In plaas daarvan het die universiteit ’n video gemaak om vir hulle totsiens te sê.

 

In hierdie video bring visekanselier prof Dan Kgwadi hulde aan die Klas van 2020 en sê die veerkragtigheid wat hulle in 2020 getoon het, sal hulle in staat stel om toekomstige uitdagings op hul pad te bowe te kom.

 

Hy moedig hulle aan om kontak met die NWU te behou, ons handelsmerk-ambassadeurs te wees en om die NWU te help om toekomstige geslagte te bemagtig.

 

Kyk gerus na die video om te deel in die talle aktiwiteite wat ons splinternuwe alumni as kosbare herinneringe aan hulle reis by die NWU saam met hulle neem.