KIES JOU TAAL
Mikrokwalifikasies as boublokke vir die verkryging van formele kwalifikasies
– Willie du Plessis –
Mikrokwalifikasies is besig om as noodsaaklike komponente in die toekoms van hoër onderwys te ontluik – dit omskep die leerproses en maak toegang tot formele grade moontlik.
Namate meer plaaslike en internasionale universiteite die beduidendheid van mikrokwalifikasies erken, sal dit noodsaaklik raak dat Afrikalande hulle raamwerke moet vestig.
Prof Herman van der Merwe, adjunkdekaan vir onderrig en leer in die Fakulteit Ekonomiese en Bestuurswetenskappe, sê mikrokwalifikasies is in hulle wese bewyse of sertifikate wat as bewys dien dat spesifieke leeruitkomste in ’n module voltooi is.
Hierdie bewyse dui aan dat die houer daarvan die nodige vaardighede of kennis vir spesifieke formele kwalifikasies verwerf het.
Die wese van mikrokwalifikasies: dink aan kitskoffie
Hoe werk mikrokwalifikasies en wat behels dit?
Herman verduidelik dit deur die maak van kitskoffie as voorbeeld te gebruik. “Jy moet eers die water kook, dan koffie in die koppie skep en dan die koppie vol kookwater maak. Hierdie drie stappe is deel daarvan om jou vaardighede te slyp om ’n basiese koppie kitskoffie te maak,” sê hy.
“Net so is mikrokwalifikasies deeltjies van vaardighede of kennis wat alles nodig is om ’n kwalifikasie te verwerf. Hulle kan alleen staan, of die vaardigheid kan ook vir ander kwalifikasies gebruik word waar dieselfde uitkoms nodig is.
“Kom ons kyk weer na ons voorbeeld: wanneer jy weet hoe om water te kook, het jy ’n vaardigheid verwerf, en jy kan hierdie vaardigheid in ’n soortgelyke kwalifikasie gebruik, byvoorbeeld om sop of tee te maak.”
In akademiese terme breek mikrokwalifikasies die leeruitkomste van ’n module in kleiner, oordraagbare eenhede op.
Dit kan studente bemagtig om hierdie eenhede op hulle eie tyd te voltooi, soos dit vir hulle moontlik is. Hanteerbare eenhede is veral voordelig vir studente wat werk of dié wat finansiële probleme het en net kan bekostig om ’n paar modules (mikrokwalifikasies) op ’n keer te voltooi.
Hoewel mikrokwalifikasies reeds by onderwysstelsels oorsee gebruik word, is die NWU een van die eerste Suid-Afrikaanse universiteite wat ’n omvattende raamwerk hiervoor ontwikkel het.
Die NWU het onlangs ’n raamwerk oor mikrokwalifikasies aanvaar en is nou op die voorpunt om die proses van leer en die verkryging van ’n formele graad buigsamer en meer bekostigbaar en toeganklik te maak.
Prof Herman van der Merwe was instrumenteel in die daarstelling van ’n raamwerk vir mikrokwalifikasies by die NWU.
Die raamwerk maak voorsiening vir die gee van erkenning vir die verskillende “alleenstaande boublokke” van ’n formele kwalifikasie, sê Herman.
By die NWU bestaan ’n baccalaureusgraad uit ten minste drie jaar van studie (gewoonlik die eerste, tweede en derde jaar). Elkeen van hierdie jare omvat verskillende modules wat elkeen krediete dra.
’n Student in Suid-Afrika het 120 krediete per jaar (360 in totaal) nodig om ’n baccalaureusgraad te verwerf. Die meeste internasionale universiteite het ’n soortgelyke praktyk. Die toekenning van krediete kan wissel, maar die beginsel is vir almal dieselfde.
Een krediet maak 10 veronderstelde uur uit. Vir ’n 12-kredietmodule moet studente byvoorbeeld 120 uur van toegewyde studie voltooi om die leeruitkomste te bemeester.
Dit is waar mikrokwalifikasies ’n noodsaaklike rol kan speel. Kleiner mikrokwalifikasies kan saam ’n volle module lewer. Studente kan byvoorbeeld twee of drie mikrokwalifikasies voltooi en ’n bewys ontvang vir elkeen, wat ’n bydrae tot die uiteindelike module sal lewer.
Hierdie bewyse kan deur middel van verskillende assesseringsmodusse soos toetse, eksamens of ’n bewysportefeulje verkry word.
So lyk die raamwerk
Dit is oordraagbaar deurdat dit as ’n basis gebruik kan word om modules te voltooi waar dieselfde vaardigheid benodig word.
Dit is ook stapelbaar deurdat studente op vorige mikrokwalifikasies kan bou.
Die bewys is gefokus, aangesien dit een van die boublokke is wat vir die uiteindelike kwalifikasie nodig is.
Die bewys of “sertifisering” het drie eienskappe.
3
2
1
Herman sê die NWU is nou al ’n geruime tyd besig om mikrokwalifikasies bekend te stel.
Met hierdie doel voor oë is hy deel van verskeie internasionale groepe en is hy by verskillende wêreldwye projekte oor mikrokwalifikasies betrokke.
Die mikrokwalifikasie-reis het nog ’n ver pad om af te lê.
Om mikrokwalifikasies intern te erken, is redelik hanteerbaar, maar die oordraagbaarheid daarvan hang af van hoe ander instellings die krediete erken wat by die verskillende universiteite verwerf word.
Herman sê daar is tans geen nasionale liggaam wat oor mikrokwalifikasies toesig hou nie, maar hy glo dat dit binnekort sal verander, aangesien die Suid-Afrikaanse Kwalifikasieowerheid (SAKO) ook die behoefte erken om ’n beleid vir mikrokwalifikasies daar te stel.
“Wanneer ander universiteite ook raamwerke vir mikrokwalifikasies aanvaar, sal studente bemagtig word, aangesien hulle sal bepaal waar hulle krediete kan voltooi en in staat sal wees om daardie krediete by enige universiteit te gebruik om hulle studies te voltooi.”
In die toekoms
2
3
4
5
6
7
8
9
10
11
Mikro-kwalifikasies as boublokke vir die verkryging van formele kwalifikasies
– Willie du Plessis –
Mikrokwalifikasies is besig om as noodsaaklike komponente in die toekoms van hoër onderwys te ontluik – dit omskep die leerproses en maak toegang tot formele grade moontlik.
Namate meer plaaslike en internasionale universiteite die beduidendheid van mikrokwalifikasies erken, sal dit noodsaaklik raak dat Afrikalande hulle raamwerke moet vestig.
Prof Herman van der Merwe, adjunkdekaan vir onderrig en leer in die Fakulteit Ekonomiese en Bestuurswetenskappe, sê mikrokwalifikasies is in hulle wese bewyse of sertifikate wat as bewys dien dat spesifieke leeruitkomste in ’n module voltooi is.
Hierdie bewyse dui aan dat die houer daarvan die nodige vaardighede of kennis vir spesifieke formele kwalifikasies verwerf het.
Die wese van mikro-kwalifikasies: dink aan kitskoffie
Hoe werk mikrokwalifikasies en wat behels dit?
Herman verduidelik dit deur die maak van kitskoffie as voorbeeld te gebruik. “Jy moet eers die water kook, dan koffie in die koppie skep en dan die koppie vol kookwater maak. Hierdie drie stappe is deel daarvan om jou vaardighede te slyp om ’n basiese koppie kitskoffie te maak,” sê hy.
“Net so is mikrokwalifikasies deeltjies van vaardighede of kennis wat alles nodig is om ’n kwalifikasie te verwerf. Hulle kan alleen staan, of die vaardigheid kan ook vir ander kwalifikasies gebruik word waar dieselfde uitkoms nodig is.
“Kom ons kyk weer na ons voorbeeld: wanneer jy weet hoe om water te kook, het jy ’n vaardigheid verwerf, en jy kan hierdie vaardigheid in ’n soortgelyke kwalifikasie gebruik, byvoorbeeld om sop of tee te maak.”
In akademiese terme breek mikrokwalifikasies die leeruitkomste van ’n module in kleiner, oordraagbare eenhede op.
Dit kan studente bemagtig om hierdie eenhede op hulle eie tyd te voltooi, soos dit vir hulle moontlik is. Hanteerbare eenhede is veral voordelig vir studente wat werk of dié wat finansiële probleme het en net kan bekostig om ’n paar modules (mikrokwalifikasies) op ’n keer te voltooi.
Hoewel mikrokwalifikasies reeds by onderwysstelsels oorsee gebruik word, is die NWU een van die eerste Suid-Afrikaanse universiteite wat ’n omvattende raamwerk hiervoor ontwikkel het.
Die NWU het onlangs ’n raamwerk oor mikrokwalifikasies aanvaar en is nou op die voorpunt om die proses van leer en die verkryging van ’n formele graad buigsamer en meer bekostigbaar en toeganklik te maak.
Prof Herman van der Merwe was instrumenteel in die daarstelling van ’n raamwerk vir mikrokwalifikasies by die NWU.
Die raamwerk maak voorsiening vir die gee van erkenning vir die verskillende “alleenstaande boublokke” van ’n formele kwalifikasie, sê Herman.
By die NWU bestaan ’n baccalaureusgraad uit ten minste drie jaar van studie (gewoonlik die eerste, tweede en derde jaar). Elkeen van hierdie jare omvat verskillende modules wat elkeen krediete dra.
’n Student in Suid-Afrika het 120 krediete per jaar (360 in totaal) nodig om ’n baccalaureusgraad te verwerf. Die meeste internasionale universiteite het ’n soortgelyke praktyk. Die toekenning van krediete kan wissel, maar die beginsel is vir almal dieselfde.
Een krediet maak 10 veronderstelde uur uit. Vir ’n 12-kredietmodule moet studente byvoorbeeld 120 uur van toegewyde studie voltooi om die leeruitkomste te bemeester.
Dit is waar mikrokwalifikasies ’n noodsaaklike rol kan speel. Kleiner mikrokwalifikasies kan saam ’n volle module lewer. Studente kan byvoorbeeld twee of drie mikrokwalifikasies voltooi en ’n bewys ontvang vir elkeen, wat ’n bydrae tot die uiteindelike module sal lewer.
Hierdie bewyse kan deur middel van verskillende assesseringsmodusse soos toetse, eksamens of ’n bewysportefeulje verkry word.
So lyk die raamwerk
Dit is oordraagbaar deurdat dit as ’n basis gebruik kan word om modules te voltooi waar dieselfde vaardigheid benodig word.
Dit is ook stapelbaar deurdat studente op vorige mikrokwalifikasies kan bou.
Die bewys is gefokus, aangesien dit een van die boublokke is wat vir die uiteindelike kwalifikasie nodig is.
Die bewys of “sertifisering” het drie eienskappe.
3
2
1
Herman sê die NWU is nou al ’n geruime tyd besig om mikrokwalifikasies bekend te stel.
Met hierdie doel voor oë is hy deel van verskeie internasionale groepe en is hy by verskillende wêreldwye projekte oor mikrokwalifikasies betrokke.
Die mikrokwalifikasie-reis het nog ’n ver pad om af te lê.
Om mikrokwalifikasies intern te erken, is redelik hanteerbaar, maar die oordraagbaarheid daarvan hang af van hoe ander instellings die krediete erken wat by die verskillende universiteite verwerf word.
Herman sê daar is tans geen nasionale liggaam wat oor mikrokwalifikasies toesig hou nie, maar hy glo dat dit binnekort sal verander, aangesien die Suid-Afrikaanse Kwalifikasieowerheid (SAKO) ook die behoefte erken om ’n beleid vir mikrokwalifikasies daar te stel.
“Wanneer ander universiteite ook raamwerke vir mikrokwalifikasies aanvaar, sal studente bemagtig word, aangesien hulle sal bepaal waar hulle krediete kan voltooi en in staat sal wees om daardie krediete by enige universiteit te gebruik om hulle studies te voltooi.”
In die
toekoms
2
3
4
6
7
8
5
9
10
Dit is ons: Ons vroue se grootsheid begin hier
10
KIES JOU TAAL