Tydens ’n onlangse toekenningseremonie om Optentia se vyfde verjaarsdag te vier, is sy vir die volgende drie jaar as buitengewone professor by Optentia aangestel. Sy sal steeds as studieleier vir meestersgraad- en PhD-studente binne die navorsingsfokusarea optree en sal Suid-Afrika dikwels besoek. Mary was die leier van die navorsingsubprogram Holistiese Leerderontwikkeling in Diverse Kontekste (Holistic Learner Development in Diverse Contexts), wat sy gehelp vestig het.

Tydens die toekenningseremonie is Mary vir haar bydrae tot die fokusarea vereer. Prof Ian Rothmann, direkteur van Optentia, het haar geloof vir haar werk by die universiteit. Hy het die filantroop Melinda Gates aangehaal, wat gesê het: “Die beste belegging wat enigeen van ons kan maak, is in die lewens van ander.”