GO RUTA BA BANGWE THEKENOLOJI
Ka Ga Rona
Ofisi ya Go Ruta ba Bangwe Thekenoloji e ema nokeng dikhamphase tsotlhe ka dikarolo tsotlhe tsa go tlhoma diintaseteri mo mafelong a a farologaneng le go gweba ka ditlhamo tsa tsone, go akaretsa le ditiro tse di latelang:
• Go thusa ka go tlamela dikopo ka madi gore go dirwe kgwebo
• Go dira papatso ka dithekenoloji le ka bokgoni
• Go aga tirisanommogo fa gare ga diintaseteri
• Go Sireletsa Ditshwanelo Tsa Tlhamo-Sea
Gape, Ofisi e thusa ka:
• Go batlana le botsweretshi
• Diphukutso tsa go dira patlisiso ka dimmaraka le thekenoloji
• Go buisana le boramolao ba ditshwanelo tsa tlhamo-sea
• Go tlhomiwa ga diintaseteri
• Go tlhalosa se se tlhokwang ke mebaraka
• Go laola diporojeke tse di tlhophilweng
• Go batla le go tlhopha dikonteraka-potlana
• Go gweba
• Go batla le go tlhopha bagwebisani-mmogo
• Go tlhama mekgwa le dithulaganyo tsa kgwebo le go tlotla ka tsone
• Go Laola Ditshwanelo Tsa Tlhamo-Sea
• Go tshwara ditherisano ka tsa dilaesense le ditumalano tse dingwe tsa go ruta ba bangwe thekenoloji
• Go tlhoma le go baya leitlho dikhamphani tse di duleng mo go eno
• Go laola ditumalano tse di sa ntseng di dira tsa dilaesense
• Go rulaganya le go tshwara dikokoano tsa baithuti ba ba ithutelang kgwebo
Molaetsa wa Mokaedi wa Setheo: Ofisi ya Go Ruta ba Bangwe Thekenoloji
Go tsenngwa tirisong tsa dikgono tsa tiro go ama mongwe le mongwe wa badiri ba YBB.
Yunibesiti e tsaya seabe sa yone e le se se maleba sa yunibesiti e e dirang mo kgaolong e e nang le boikarabelo mo loagong, mme seno se akaretsa go abelana kitso ya yone le dikgwebo le baagi go thusa ka go tlhabolola Aforika Borwa.
Mo e ka nnang patlisiso nngwe le nngwe kgotsa tlhabololo kwa YBB e na le mosola mo go tsa kgwebo kgotsa mo teng ga yunibesiti. Bokgoni jwa rona bo felela ka kitso, e e ka abiwang ka:
• Dibuka-kaelo tsa thuto, dibuka, dikhoso tse di khutshwane, diseminara le dikhonferense.
• Dipego tsa projeke le tsa patlisiso.
• Dikumo, ditshwanelo tsa tlhamo-sea, go tlhamiwa ga dikhemikale, dithulaganyo le ditsamaiso.
• Matshwaoina le tetlokhopi.
• Botsamaisi, go dirwa ga ditshwetso le ditsamaiso tsa dithulaganyo, tse gantsi di tlanngwang ka serweboleta sa khomphiuta.
• Ditirelo tsa dikgakololo, go baya tiro leitlho le go ikgolaganya le ba bangwe go kopa thuso.
• Ditirelo tsa bosekaseki.
• Ditsamaiso tsa dikgwebo tsa mo teng ga setlamo le tsa go laola madirelo.
Ke ka ntlha yang go le botlhokwa jaana gore re dirise bokgoni jwa rona
• Babatlisisi ba tlhotlheletsega go dira tiro ya bone fa batho kwa ntle ba dirisa bokgoni jwa babatlisisi bao le go ba anaanela.
• Bokgoni bo aga le go tshegetsa leina la YBB.
• Leina le lentle le ngoka babatlisisi ba ba nang le bokgoni le go dira gore ba se ka ba re tlogela.
• Kitso le bokgoni di ngoka dikgwebo tse di farologaneng.
• Go tsenya bokgoni mo tirisong go bulela baithuti ba rona le baagi ditshono tsa go bona tiro.
• Go dira gore YBB e dire dilo ka tshomarelo le go gatelapele.
Motlotlegi Francis Darwin o ne a re: "Mo Saenseng, re akgola motho yo o tlhatswang lefatshe pelo, e seng motho wa ntlha go nna le kgopolo." Ka jalo ga go thuse sepe go tlhama thekenoloji e e di gogang kwa pele kwantle ga go dira gore lefatshe le itse mosola wa yone. Go ruta ba bangwe thekenoloji ke thulaganyo e e botlhokwa ya go dira fela jalo. Go tswala phatlha fa gare ga dilo tse di tlhokwang ke lefatshe kwa ntle le tlhamo e e dirwang ke badiri ba rona e bile e thusa go naya ba e ka ba solegelang molemo kitso.”
Mme go ruta ba bangwe thekenoloji go batla gore motho a nne le mogopolo o o farologanang thata le wa ba ba nang le bokgoni jwa go tlhama le jwa go dira patlisiso. Go a tura, go ja nako e bile diphoso ga di batlege mo go yone. Thulaganyo ya teng e tsaya lobaka e bile e batla madi a mantsi le maikatlapelo go feta ka fa go lebeletsweng ka gone, mme diphol tsa go ruta ba bangwe thekenoloji ka katlego di re kgatlha tota.
YBB e na le batho ba le mmalwa ba ba siametseng go thusa babatlisisi le badiri ba ba nang le bokgoni jwa go tlhama le go isa dilo tse ba di tlhamileng kwa mebarakeng.
- Naka Rudi van der Walt
Mokaedi wa Setheo wa: Go Ruta ba Bangwe Thekenoloji