MAFIKENG – LEGORO LA TSA MOLAO
Dikolo: Sekolo sa Dithuto Tsa Pele ga Lekwalo la Boalogane

Ka ga rona

Sekolo sa Dithuto Tsa Pele ga Lekwalo la Boalogane se na le boikarabelo jwa go laola mananeo otlhe a rona a pele ga kalogo, dipoloma le dikhoso tse di khutshawane.

Mo nakong eno, mananeo a konokono a pele ga lekwalo la boalogane ka fa tlase ga bokaedi jwa Sekolo ke Dikirii ya Bachelor of Law le Bachelor ya dikirii ya onase ya Go Lwantsha Bokebekwa.

Boikaelelo jwa Sekolo ke go thusa ka tsa botshelo jwa mo Yunibesiting le tlhabololo ya jone le go tlhabololo difilosofi tsa jone tsa konokono.

Re leka go dira gore baithuti ba rona ba kgatlhegele molao le go itse ka fa o dirang ka gone mo baaging. Baalogi ba rona ba tswa ba tlhomeletswe sentle go ka dira mo pusong, tiro ya molao ya seporofeenale mo Porofenseng ya Bokone-Bophirima le mo Dinageng Tsa Borwa Jwa Aforika, le mo ditheong tsa poraefete.

Sekolo se thusa baithuti go tlhaloganya ditsamaiso tsa semolao tsa porofense le tsa naga, motswedi wa tsone le gore di amana jang le go dirisana jang le ditsamaiso tse dingwe tsa molao, gore ba nne le kitso ka tsone le go itse go rarabolola mathata a semolao ka katlegole go tsenya molao tirisong mo Dinageng Tsa Borwa Jwa Aforika.

Dingwe tsa dimmojule tse di akarediwang mo lenaneong la dikirii di akaretsa, gareng ga dilo tse dingwe, Bokgoni mo Dilong Tsa Semolao, Molao wa Poraefete, wa Molaotheo le wa Botsamaisi, Molao wa Tsa Bokebekwa le Molao ka Tsa Kgwebo.