Lo buile rona re bo re reetsa
Maitshwaro@YBB:
Mo ngwageng o o fetileng, re ile ra lo botsa mo lenaaneng la dipotso tsa patlisiso-maikutlo gore lo leba jang boemo jwa maitshwaro mo YBB mme lo ne lwa re bolelela gore lo a leba jang. Jaanong re tlile go dirisa ditshwaelo tsa lona go kwala leano la rona la maitshwaro la YBB.
Kwa go simolotsweng gone
Ka 2020 re kopile Setheo sa Maitshwaro a a Siameng, e leng setlamo se se ikemetseng ka nosi, go dira tshekatsheko ka maitshwaro a a siameng kwa yunibesiting ya rona. Fa ba sena go tshwara dipotsolotso le setlhopha se go dirwang patlisiso ka sone, re ne ra laletsa badiri botlhe ba rona go tsaya karolo mo tshekatsheko e e amang le dipalo ka go tlatsa lenaane la dipotso tsa patlisiso-maikutlo.
Kotsi
Dikotsi tsa boitshwaro tse badiri ba kopanang le tsone gangwe le gape
Ditšhono
Dikotsi tsa boitshwaro tse badiri ba kopanang le tsone sewelo
MADUO-KAKARETSO A MOKGWA WA BOITSHWARO: 94/100
Dikarolo tse dintsi tsa mokgwatiro o o golang (ditšhono tsa mokgwatiro)
Bontsi jwa dikarolo tsa mokgwatiro o o sa nonofang (dikgwetlho tsa mokgwatiro)
MADUO-KAKARETSO A MOKGWATIRO: 38/100
Kopanyo: Ka jalo re na le tiro e ntsi ya go tlhama mokgwatiro o o golang...
Dikgatlhegelo tse di thulanang
Dikamano tsa baithuti
Dikamano le batlamela ka dithoto
Go itlhokomolosa melao
Mekgwa ya go sa akanyetse batho
Go ikemisetsa go diragatsa mekgwa-tiro ga badiri ba e seng dimmenejara
Go sikara ditlamorago tsa tiro le boikarabelo jwa maitshwaro a bone
Motlotlo ka maitshwaro a a siameng
Go tshwara badiri ka mokgwa o o siameng
DIKGATLHEGELO TSE DI THULANANG
Maduo: A kwa tlase
E nnile ka sewelo fela badiri ba ileng ba kopana le dikgatlhegelo tse di thulanang kgotsa go akanya gore go na le dikgatlhegelo tse di thulanang.
DIKAMANO TSA BAITHUTI
Maduo: A kwa tlase
Badiri ba supile gore boitshwaro jo bo sa siamang/jwa maemo a a kwa tlase jo bo direlwang baithuti bo bonwa sewelo.
DIKAMANO LE BATLAMELA KA DITHOTO
Maduo: A kwa tlase
Badiri ba supile gore boitshwaro jo bo sa siamang/jwa maemo a a kwa tlase jo bo direlwang batlamela ka dithoto bo bonwa sewelo.
GO ITLHOKOMOLOSA MELAO
Maduo: A kwa godimo
Badiri ba ne ba kopana le maitshwaro ao badiri mo mafapheng a a farologaneng a yunibesiti ba robang kgotsa ba itlhokomolosang melao ya setlamo, dipholisi le mekgwatsamaiso, kgotsa ba pateletsang ba bangwe go dira jalo, go ya bokgakaleng jo bo mo magareng.
MEKGWA YA GO SA AKANYETSE BATHO
Maduo: A kwa godimo
Badiri ba kopane le mekgwa e e sa tsamaisaneng le melawana e e jaaka go gobelela le go sa akanyetse ba bangwe gantsi fa go sekasekwa tiro ya badiri. Ditiragalo tsa go sa diriseng thata ka tshwanelo, go tshosetsa le go kgerisa le tsone di ne tsa begwa ka metlha.
GO IKEMISETSA GO DIRAGATSA MEKGWA-TIRO GA BADIRI BA E SENG DIMMENEJARA
Maduo: A a gola
Ke go raya selekanyo se badiri (ba e seng dimmenejara) ba tsayang tsia mekgwa-tiro ka sone kwa yunibesiting, ba katisediwang mekgwatiro le go tlhaloganya gore mekgwatiro e botlhokwa mo kgwebong.
GO SIKARA DITLAMORAGO TSA TIRO LE BOIKARABELO JWA MAITSHWARO A BONE
Maduo: Ga a gola
Selekanyo se yunibesiti le batsamaisi ba yone, kwantle ga go fitlha sepe, ba sikarisang badiri ditlamorago tsa ditiro tsa bone ka metlha kwantle ga go gobelela ope ka ntlha ya boitshwaro jwa bone le ditshwetso tsa bone.
MOTLOTLO KA MAITSHWARO A A SIAMENG
Maduo: Ga a gola
Selekanyo se badiri ba tlotlang ba phuthologile ka sone ka maitshwaro a a siameng, ba ikutlwang ba sa tshabe go tlhagisa matshwenyego a bone ka maitshwaro a a siameng le go tlhalosa maitshwaro a a siameng ka molomo pele ba dira ditshwetso kgotsa ba tsaya kgato nngwe e e rileng.
GO TSHWARA BADIRI KA MOKGWA O O SIAMENG
Maduo: Ga a gola
Mokgwa o yunibesiti le batsamaisi ba yone ba tshwarang badiri ka tlotlo ka yone, kwantle ga go gobelela le ka seriti le go akanyetsa badiri pele ba dira ditshwetso tse di ka ba amang.
x
(Tobetsa diaekone go buisa go feta.)
bogare
tlhoka tlhabololo
Dintlha-kakaretso ka mokgwatiro o o golang
Go leba dipholo
Jaanong a re boeleng mo dipholong – SE lo re boleletseng sone ke se ka bokhutshwane:
Malebana le mokgwa wa rona wa boitshwaro, re fitlheletse maduo a le 94 mo go a le 100 a a bontshang gore ga go kotsi e ntsi go le kalo.
Malebana le mokgwatiro kwa yunibesiting, dipholo ga di dintle go le kalo – re fitlheletse fela maduo a le 38 mo go a le 100, se se bontshang gore mokgwatiro wa rona ga o a gola. (Selo se le sengwe fela se se farologaneng ke gore badiri ba rona ba e seng dimmenejara ba ikemiseditse go tshela ka maitshwaro a rona, mo go rayang gore mokgwatiro wa rona mo ntlheng eno o santse o gola.)
Mme ke eng fa maduo a rona a mokgwatiro a le kwa tlase thata go gaisa maduo a boitshwaro jwa rona. Go bonala e kete go na le sekgala fa gare ga go ikobela ditiro tse e seng tsa boitshwaro jo bo siameng ka fa letlhakoreng le le lengwe, le maikutlo ka fa mekgwa-tiro e go sa buiwang sepe ka yone ya yunibesiti.
Sa ntlha, o supa gore ga lo a ikobela ditiro di le dintsi tse e seng tsa boitshwaro jo bo sa siamang, mo go rayang gore melao le mekgwatsamaiso tsone di a latelwa.
Go ntse go ntse jalo, ga o akanye gore mekgwa-tiro e go sa buiwang ka yone, diphopholetso le ditumelo tsone gantsi di tshegetsa boitshwaro jo bo siameng kwa yunibesiting.
Ka fa dipholo di neng tsa begwa ka gone
Komiti ya Botsamaisi ya Yunibesiti le Komiti ya Maitshwaro a a Siameng ya Lekgotla e ne ya amogela ditshwaelo, mme gape dipholo di ne tsa tlotlwa kwa kokoanong ya dithutano ya Lekgotla ka di 17 Mopitlwe 2021.
Morago ga moo go ne ga latela kokoanobadiri le baithuti ya go bolelelwa ditaelo mo mafaratlhatlheng ka di 20 Motsheganong.
Jaanong go tlile go direga eng?
Go ya ka dipholo, go bonala sentle gore re na le tiro e ntsi go e dira: re tshwanetse go semela le go tlhama mokgwatiro o o golang.
Kgato ya ntlha ke go tlhama leano la maitshwaro a a siameng le leano la botsamaisi le le tla re letlang go laola mekgwa ya boitshwaro le go rarabolola matshwenyego. Komiti ya Loago, Maitshwaro a a Siameng le ya Tshekatsheko ya Kgonego ya Ditatlhegelo tsa Madi e tla okamela go tsenngwa tirisong ga leano leno.
Morago ga moo go tla tlhamiwa dikgatotharabololo tsa go tokafatsa mokgwatiro. Seno ga e kitla e nna fela tiro ya gore go ikobelwe melao – ga re tseela mekgwa ya maitshwaro a a siameng kwa tlase mme re ka rata go tsaya karolo le lona lotlhe mo go direng jalo.
A diphitlhelelo tseno di boammaaruri?
Diphitlhelelo tseno di boammaaruri ka gonne di tladitswe ke badiri ba le 2 341.
Seno se raya gore modiri a le mongwe mo go ba le babedi o tladitse lenaane la dipotso tsa patlisiso-maikutlo, e leng palo e ntle ya ba ba arabileng dipotso. Mo godimo ga moo, gape go ne go na le ditlhopha tse go dirwang patlisiso ka tsone le dipotsolotso tse di neng di tshwerwe le baemedi ba baithuti, mmogo le ditlhopha tsa botsamaisi mo dikhamphaseng tsotlhe tsa YBB.
Re lebogetse go utlwa maikutlo a lona!
Pele re leba dipholo tsa lenaane la dipotso tsa patlisiso-maikutlo, a re ikgopotseng pele ka lenaane la dipotso tsa patlisiso-maikutlo le le tladitsweng ke lona. E ne e tsepile mo dilong tse pedi: mokgwa wa boitshwaro le mokgwatiro wa mo YBB. Tobetsa dikonopo tse di fa tlase go bona gore pharologano fa gare ga mokgwa wa boitshwaro le mokgwatiro ke eng:
MOKGWA WA BOITSHWARO
Mokgwa wa boitshwaro o raya makgetlo a ka one badiri ba sa itshwareng sentle letsatsi le letsatsi mo setlamong sa rona. Fa maduo a le kwa godimo, go raya gore maloko a badiri ga a bone bontsi jwa maitshwaro a a sa siamang, mme maduo a a kwa tlase one a supa gore go na le maitshwaro a a sa siamang a mantsi.
MOKGWATIRO
Mokgwatiro o raya dikarolo mo setlamong tsa mokgwa o setlamo se dirang tiro ka one, diphopholetso kgotsa ditumelo tse di tshegetsang kgotsa tse di sa tshegetseng boitshwaro jo bo siameng. Maduo a a reng A Kwa Godimo a supa mokgwatiro o o golang mme maduo a a reng a kwa tlase one a supa mokgwatiro o o sa nonofang le o o sa golang.