GO ITHUTA KA TIRISO YA MAFARATLHATLHA
Baakatemi ba itumeletse thata go ka kgona
Baithuti ba YBB ga se bone fela ba solegelwang molemo ke go ithutela mo mafaratlhatlheng.
Baakatemi ba YBB ba ba batlang go tokafatsa dikgono tsa bone tsa go ruta ba sola molemo dikhoso tsa maemo a a kwa godimo mo lefatsheng tsa Epigeum tse di ka fitlhelelwang ke batlhatlheledi, mme go ya ka ditshwaelo tsa baakatemi ba le mmalwa ba ba tsereng karolo mo go seno, dikhoso di buelelwa fela thata.
Senthara ya Go Ruta le Go Ithuta (Centre for Teaching and Learning [CTL]) e na le nakonyana e ntse e ruta dikhoso mo mafaratlhatlheng tse di tlhamilweng ke Epigeum fa e sa le ka 2020. Tirisanommogo fa gare ga CTL le Epigeum e simolotse fa maloko mangwe a CTL a ne a tsaya loeto go ya kwa United Kingdom ka 2018 go ya go thusa ka go tlhama Tsela ya Go Ruta ya Yunibesiti. Khoso ya Dikgono tsa Konokono.
Dintlha go ya pele ka Epigeum
Epigeum e tlamela ka dikhoso mo mafaratlhatlheng tse di diretsweng go thusa diyunibesiti le dikholetšhe go fetola ditiro tsa tsone tsa konokono tsa go ruta le tlhabololo, patlisiso, go ithuta, le tshegetso mmogo le pholo e e siameng.
Dikhoso tseno di tlhamilwe ka tirisanommogo ya bomankge mo lefatsheng ka bophara le diyunibesiti tse re dirisanang mmogo le tsone, mme di tla abelwa ba bangwe ka go di beeletsa.
Dintlha go ya pele ka Epigeum
Re kopile batlhatlheledi ba le mmalwa ba ba setseng ba weditse dikhoso dingwe go re naya ditshwaelo ka ga gore ba nnile le maitemogelo afe ka dikhoso tseno. Tobetsa setshwantsho sengwe le sengwe gore o buise go ya pele.
Daniel Mokatsanyane
wa Sekolo sa Disaense Tsa Ikonomi
“Go Ruta mo Mafaratlhatlheng: Kgato e e latelang ya Tlhamo le Tlhabololo e tlhomelela motho ka didirisiwa le dikgono gore a kgone go dira sentle fa a tsaya karolo mo tirong ya go ruta le go ithuta mo mafaratlhatlheng.
“Mo go nna, dintlhakgolo tsa khoso eno ke fa sedirisiwa sa go ithuta se tlotlisana le nna le fa go na le metswedi ya tshedimosetso e mengwe gape e mentsi e e neng e le teng go thusa go tokafatsa dikgono tsa go ruta mo mafaratlhatlheng.
“Ke lo rotloetsa go ikwadisetsa lenaneothuto leno – diteng tsa dimmojule tsa lone di tla thusa go kopanya le go tlhabolola kitso le dikgono tsa gago.”
Ngaka Kezell Klinck
Sekolo sa Disaense tsa Botsamaisi
“Ka 2020, ke ile ka wetsa khoso ya Mekgwa-Tswako ya Go Ithuta mme mo ngwageng ono, ke ikwadiseditse khoso ya go Ruta mo Mafaratlhatlheng.
“Ka dinako tse dingwe, ke ne ke iphitlhela ke buisa dikgang tse di kgatlhang le dipotsolotso tse di neng tsa tshwarwa le baporofešenale mo lefatsheng lotlhe ka ura ya boraro mo mosong.
“Gape se ke se ratang ka khoso eno ke gore o ka kgona go bula mmojule ono gongwe le gongwe fa o batlang teng. Ke akareditse dikhoso tsa me tse pedi mo tirong ya me e ke neng ke e romela gore e ye go sekasekwa, e le karolo ya leano-tlhabololo la me.”
JT Janse van Rensburg
Sekolo sa Saense ya Dikhomphiutha le Diporokeramo Tsa Tshedimosetso
“Ke ne ka wetsa Mekgwa-Tswako ya go Ithuta le Thuto ya Yunibesiti ya go Ruta: Dikhoso tsa 2020 tsa Dikgono tsa Konokono. Batlhatlheledi botlhe ba akanyetse go dira le go wetsa dikhoso ka gonne setlhopha se se nang le bokgoni sa CTL se dira sotlhe seo se ka kgonegang go tlhomamisa gore baakatemi ba newa ditšhono tse di maleba tsa go lekalekana le tse di maleba tsa go katisiwa.
“Ditšhono tseno di tshwanetse go dirisediwa go tokafatsa tsela e re tlhaloganyang mekgwa e e e gaisang yotlhe ya tiro ka gone le go tsamaisana le mekgwa ya go ruta le go ithuta.”
Mop Elmari Deacon
wa Sekolo sa Pholo ya Tlhaloganyo le Loago
“Ke ne ka wetsa Mekgwa-Tswako ya go Ithuta le Thuto ya Yunibesiti : Dikgono tsa konokono ka 2020 tsa go tlhabolola dikgono tsa me. Ke fitlhela dikhoso tseno e le tse di kgatlhang e bile di rulagantswe sentle, mme ke ithutile go le gontsi.
“Mo go nna, e ne e se fela kgang ya go newa kitso, mme gape e ne e re ruta go ithutela mo mafaratlhatlheng. Dikhoso di ne di dirisa mekgwa e e farologaneng ya go ruta. Di ne di le mosola thata e bile di na le dikai di le dintsi.”
Florence Coertzen
Sekolo se se Rutang Dipuo
“Ke ne ka ikwadisetsa Khoso ya Mekgwa-Tswako ya Go Ithuta ka 2020 mme ke ne ke rata gore ke ne ke kgona go e konela ka lebelo le nna ke neng ke ipeetse lone le fa ke na le nako ya fa ke sa dire sepe. E a fetofetoga e bile e tsena bonolo mo sekejuleng sa me ka nako ya fa ke sa dire sepe.
“Gape e rulagantswe ka mokgwa wa seporofešenale e bile e a ruta. Gape ke rata kgang ya gore e tlotlisana le wena, le gore o ka dirisa maitemogelo a gago go e rulaganya ka tsela ya gago.”
x
Dikhoso tse di latelang di ka fitlhelelwa ke batlhatlheledi gore ba di dirise:
(Tobetsa dikhutlonne go buisa go feta.)
Khoso eno e amana le ditlhogo tsa go ruta kwa yunibesiting, jaaka tsa tekolo, go tsaya karolo ga baithuti, ditogamaano tsa go ruta le tse dingwe.
(di ka bonwa ka eFundi)Go Ithuta go go Tswakantsweng
Khoso eno e tlotla ka dintlha-kakaretso tse dintsi tsa mekgwa-tswako ya go ithuta e e ka go tlhomolola tshedimosetso ka ga mekgwa e e e gaisang yotlhe ya tiro e e tswang go baakatemi mo lefatsheng lotlhe, le tshedimosetso ya ka fa batlhatlheledi ba ka dirisang ka gone mekgwa-tswako ya go ithuta mo dimmojuleng tsa bone.
(di ka bonwa mo webosaeteng ya Epigeum)
Go Ruta mo Mafaratlhatlheng Dikgato Tse di Latelang Tsa Tlhamo le Tlhabololo
Ka go fudugela go mokgwa wa maemo a tshoganyetso wa go ruta le go ithuta, batlhatlheledi ba le bantsi ba ne ba tshwanelwa ke go fetola mekgwa ya bone ya go ruta gore e tsamaisane le eno. Khoso eno e tlamela ka dikgato tse di bontshang ka fa batlhatlheledi ba ka rutang ka katlego ka gone mo mafaratlhatlheng.
(di ka bonwa mo webosaeteng ya Epigeum)