Baithuti ba pele ga kalogo ba tlile go gakgamala tota fa ba etela lefelo le le ntšha la go ruta le go ithuta le ba le diretsweng mo laeboraring ya Khamphase ya Mahikeng.
Bošeng jaana Tirelo ya Laeborari le Tshedimosetso (Library and Information Service [LIS]) e ne ya senola mafelo a mantšha a go ruta le go ithuta a baithuti ba pele ga kalogo, a a nang le dilo tsotlhe go simolola ka dipolaka tsa motlakase, a go tšhatšha didirisiwa tsa mmobaele go fitlha ka mafelonyana a poraefete a go ithuta le badiri ba laeborari ba ba iketleeleditseng go thusa.
Mafelo a go ithuta a akaretsa a a tlhabolotsweng bosheng a a dirisiwang diura di le 24 mme a mo lefelong le pele e neng e le la dibuka tsa semolao pele lone le fudugela kwa boalong jwa ntlha.
Louise Vos, mmenejara-mogolo wa letsholo, diporojeke le boleng, a re badiri ba LIS ba nnile le tšhono ya go tlhabolola dipolane tsa kago, go tlhomamisa gore kago eno e na le dilo tse di tlhokwang ke baithuti ba pele ga kalogo tsa go ruta le go ithuta.
Mafelo otlhe a na le Wi-Fi e bile a kgona go dirisiwa ka botlalo ke ba ba nang le bogole. “Leno e tlile go nna lefelo le le nang le kgokagano go a gaisa otlhe mo khamphaseng,” o oketsa jalo.
Boikaelelo jwa mafelo ano a mantšha
Tiyani Mabunda, mokaedi wa thuso ka madi a go ithuta, a re mafelo a mantšha a go ruta le go ithuta a mo dikagong tse di farologaneng.
Phaposi ya boikatisetso
Diphaposi tsa tirisanommogo
Tafole ya Tshedimosetso
Kgaolo ya go ithutela diura di le 24
Phaposi ya boikatisetso
Mo gare ga mafelo a go ruta le go ithuta go na le phaposi ya ditulo di le 24 ya go ikatisa ka go dirisa didirisiwa tse di leng mo teng ga yone, tsa thekenoloji ya bosheng le banka ya botlhatlheledi. Badiri ba laeborari ba legoro le modiri wa mo laeboraring yo o tshegetsang baithuti ba pele ga kalogo ba tla kgona go tlamela ka tshedimosetso ya go katisediwa puisokwalo mo lefelong la maemo a a kwa godimo.
Diphaposi tsa tirisanommogo
E re ka metlotlo ya setlhopha e le botlhokwa thata mo lefelong le le ntšha la go ithuta, go na le diphaposi di le tlhano tsa tirisanommogo tse di tsentsweng disekerini tsa LED le diboto tse di tshweu mo mafelong a go ithuta. Go na le dipolaka tse di oketsegileng mo ditafoleng gore di dirisediwe dilepothopo le di patch points.
Baithuti ba ka kgona go beeletsa diphaposi tseno go santse go na le nako ka go dirisa khouto ya QR fa kgorong kgotsa kwa lefelong la dikhomphiutha kwa lefapheng la tshedimosetso.
Lefapha la tshedimosetso
Lefapha la tshedimosetso le tlamela baithuti ka tshedimosetso.
Lefelo leno le dirisa thata badiri ba laeborari gore e nne bone ba tlamelang ka tshegetso fa go tlhokega mme lefapha leno le na le badiri go simolola ka 08:00 go fitlha ka 22:00.
Lefelo la go ithuta la diura di le 24
Lefelo la go ithuta la diura di le 24 le le nang le ditulo di le 178 le tlhabolotswe mme go na le maatla a motlakase mo ditafoleng le mo ditafoleng tse di nang le dikhomphiutha.
Jaaka re umakile pelenyana, sebaka seno se na le diphaposi di le tlhano tse di ntšha tsa tirisanommogo le go ithuta ga setlhopha. Fa laeborari e tswalwa ka 22:00, baithuti ba ka kgona go tswelela ka tiro ya bone mo lefelong le le sireletsegileng leno le le nang le kgokagano.
Ditokafatso tseno di tlile go thusa thata baithuti ba pele ga kalogo mo Khamphaseng ya Mahikeng le go tokafatsa tiro ya go ruta le go ithuta.
Tobetsa ditalama go buisa go feta.
Ditafole tsa dikhomphiutha
Ditafole di le 119 tsa dikhomphiutha di tsentswe dipolaka di le 2/3 tse di ka dirisiwang ke baithuti le go tšhatšha didirisiwa tsa bone tsa mmobaele.
Ditafole tse dikgolo tsa dikhomphiutha di na le galase e e sa bonaletseng gore motho a se ka a bonwa ke ba bangwe, mme seno se dira gore a kgone go tlhoma mogopolo, a se ka a iteega tsebe le go dirisa sebaka seo nakwana jaaka “sa gagwe”. “Baithuti ba le bantsi ba na le boikutlo jwa go batla go nna ba golagane fa ba ntse ba dira ba le bosi” mo lefelong le le bulegileng,” go bolela jalo Tiyani.
Dikhomphiutha tsotlhe di tla tsenngwa diporokeramo tsa karolofefo ya khomphiutha e e tlhokegang mo go tsone go tshegetsa baithuti mo maitekong a bone a go ruta le go ithuta. Gape go ne ga akanyediwa difenitšhara, gore go nne le ditulo tsa khomphiutha tse di dirisegang botlhofo gore di ba thuse go nna sentle ka tshwanelo.
“Dikhomphiutha di tla golaganngwa le diporintara mo mafelong a go ithuta, a mo go one go tla tlamelang ka tshegetso ya tsa setegeniki,” o oketsa jalo.
LAEBORARI
Mop Marilyn Setlalentoa, mothusa motlatsa-mokanseliri wa go nna le seabe mo baaging le wa ditiro tsa Khamphase ya Mahikeng, o kgaola lelente go bipolola mafelo a go ithuta a baithuti ba pele ga kalogo fa popae ya YBB, Eagi, e bogetse.
e na le sebaka sa maemo a a kwa godimo go dirisiwa ke baithuti ba pele ga kalogo
