Thuso
Lefapha la Batho le Setso le tlhaloganya botlhokwa jwa pholo ya tlhaloganyo mme le kopa badiri botlhe ba ba nang le matshwenyego a tlhaloganyo gore ba batle thuso.
Go ya ka Bonita Maboeta, mankgemogolo wa tsa boitekanelo, yunibesiti e na le lenaneo la Wellness ya YBB le e leng boikemisetso jwa yone jwa go tokafatsa pholo le botsogo jwa badiri. Ka lenaneo leno la thuso, badiri mmogo le ba malapa a bone ba ka newa thuso ya mahala ya go newa kgakololo ka tsa ditšhelete le ka dilo tsa semolao mmogo le go kopana le mosidila-maikutlo ba lebane difatlhego le ene ka ntlha ya matshwenyego ape fela a tlhaloganyo.
Kgakololo ya mahala, 24/7
Bo Labotlhano ba go ikutlwa monate
Ikgolaganye le rona fa
Kgakololo ya mahala, 24/7
Tirelo eno ke ya diura di le 24 ka letsatsi le ya malatsi a le supa ka beke. Bonita o gatelela gore direkoto ka tsa botsogo le ditirelo tsa teng di bolokwa e le khupamarama e go ka se kang ga rothisiwa mmutla madi ka yone le gore bomangmang jwa batsayakarolo bo sirelediwa semolao. Dimmenejara tse di tshwenyegileng ka botsogo jwa badiri ba bone le bone ba ka ikgolaganya le Lefapha la Wellness go kopa thuso.
Go bona ditirelo tsa go thobiwa maikutlo, leletsa nomoro ya mahala ya mogala ya 0800 213 149 kgotsa romela imeile kwa atereseng ya care@carewaysgroup.com, kgotsa WhatsApp ya "hi" kwa 066 488 2273. Gape o ka ikgolaganya le lefapha la Wellness leo le lone le ka kgonang go go thusa le go go gakolola.
Bo Labotlhano ba go ikutlwa monate
Go thusa badiri ba YBB go ya pele ka mathata a bone, lefapha la Batho le Setso le simolotse motseletsele wa di webinar tsa Wellness Fridays tse boikaelelo jwa tsone e leng go tlhomelela badiri ka dikgono tsa go mekamekana le go tshwenyega thata mo tlhaloganyong le tlhobaelo. Dikopano tsa teng ka inthanete di tshwarwa Labotlhano mongwe le mongwe go tlotla ka ditlhogo tse di farologaneng.
Go ya ka mankge wa tsa botsogo jwa badiri e leng Genevieve Poodhun, lenaneo la bone le le rategang thata la Labotlhano le ne le le ka ga maano a go laola bothata jwa tshwenyego ya maikutlo, le le neng le tshwerwe ke Werner van der Westhuizen.
Ikgolaganye le rona
Go bona tshedimosetso go ya pele ka tirelo ya mo Khamphaseng ya Potchefstroom, ikgolaganye le Bonita Maboeta mo nomoreng ya 018 285 2133 kgotsa mo 12579513@nwu.ac.za.
Ba Khamphase ya Mahikeng, ba ikgolaganye le Kehumile Katametsi mo nomoreng ya 018 389 2336 kgotsa mo atereseng ya kehumile.katametsi@nwu.ac.za, mme ba Khamphase ya Vanderbijlpark ba ikgolaganye le Genevieve Poodhun mo nomoreng ya 016 910 3295 kgotsa mo atereseng ya genevieve.poodhun@nwu.ac.za.
Mankgemogolo wa tsa boitekanelo e leng Bonita Maboeta a re kwa tshimologong, ka nako ya totlelelo ya botlhano le ya bone, palo ya maloko a badiri ba ba neng ba dirisa lenaneo la go bona thuso e ne ya fokotsega, mme ka fa tlase ga maemo a totlelelo a boraro le a bobedi palo eo e kile ya gola thata mo gare ga badiri ba ba dirisang lenaneo leo.
“Batho ba le bantsi ba tlhoka ditirelo tsa go thobiwa maikutlo ka ntlha ya mathata a tlhaloganyo le mathata a dikamano tsa bone le ba bangwe,” o bolela jalo.
Tobetsa mo sedikong se sengwe le se sengwe go buisa go feta
Leroborobo ga le a ama fela ditiro tsa boitshediso tsa Maaforikaborwa a le diketekete, mme le amile le pholo ya bone ya maikutlo le ya tlhaloganyo.
Ka ntlha ya go bo ba le bantsi ba sa tlhomamiseng ka dilo dingwe tse di amanang le Covid-19, ba mekamekana le bothata jwa poifo, tlhobaelo, letsapa, go tlhorega boroko le go tshwenyega thata mo tlhaloganyong.
Pholo ya Tlhaloganyo e ama tsela e motho a akanyang ka yone, a ikutlwang le go itshwara ka yone, mme e ama le kgono ya go mekamekana le tshwenyego e e tseneletseng mo tlhaloganyong, go fenya dikgwetlho, go tsalana le ba bangwe kgotsa go tokafala ga dipoelo morago tsa botshelo le tsa mathata.
Re amega ka
jwa gago