Bošeng jaana, Mop Linda du Plessis o ne a nna Moaforikaborwa wa ntlha go wetsa ka katlego dikirii ya boditšhabatšhaba ya Gerata ya Bongaka jwa Tsamaiso ya Kgwebo (Doctor of Business Administration [DBA]).

Se se dirang gore mothusa motlatsa-mokanseliri yono yo o nang le bokgoni jwa go rulaganya ditiro kwa Khamphaseng ya Vanderbijlpark a tlhomologe le go feta ke gore o weditse dikirii – gerata ya bongaka ya bobedi ya gagwe – mo dingwageng di le nne, mo boemong jwa dingwaga di le tlhano jaaka go ne go lebeletswe.

Go ithutela ga gagwe thutego eno go simolotse ka Ferikgong 2017 fa a ne a ikwadisetsa thulaganyo eno kwa Yunibesiting ya Bath kwa United Kingdom. Tobetsa fano gore o buise ka fa Linda a neng a falola dithuto tsa gagwe ka dinaledi ka gone fa a ne a dira ka nako e e tletseng e bile a tla a tlhokomela lelapa.