Fa e sa le leroborobo la Covid-19 le baka tshenyo mo lefatsheng lotlhe, re ntse re koelelwa ka tshedimosetso e e seng kana ka sepe ka mogare wa korona o o bakang bolwetse.

 

Go sa kgathalesege go koelelwa ga rona ka tshedimosetso e ntsintsi eno, ba le bantsi ba rona ga re ise re itse gore moitaletsi yono o dira maretshwa a mofuta ofe mo mebeleng ya rona.

Bidio eno –e e leng nngwe ya diteng tsa thuto tse o tshwanetseng go di leba pele o dira teko ya katiso ya Covid-19 mo eFundi – e tlhalosa seno ka tsela e e rutang thata le e e ntshang bodutu go sekae.

 

E simolola ka go re bontsha gore mogare ono o simolola loeto lwa one jang ka marothodi a a tsenang mo nkong kgotsa mo matlhong a gago morago ga moo o bo o “tsenelela kwa teng-teng mo mmeleng wa gago o iphitlhile mo teng ga diedi tsa mmele le go tsamaisiwa ke tsone".

 

Karolo e gongwe e tshosang thata ya bidio eno, ke e mo go yone re ithutang ka fa mogare ono o "tlhatlhamololang” karolo e e bokoa ka gone: ya masole a rona a mmele.

 

Mme ka lesego, gape re ithuta gore gantsi masole a rona a mmele a boa gape a nonofa, a bo a bolaya disele tse di tshwaetsegileng le go kgaosetsa megare mo tseleng ya yone.