"Dilo le fa e le dife tse di siameng tse re di agang di feleletsa di aga rona."
Nopolo eno ya ga Jim Rohn, rakgwebo wa kwa Amerika,
yo e leng mokwadi le sebui se se rotloetsang, e boammaaruri malebana le mananeo a a YBB
a go aga dikago le go direla ba bangwe ditirelo, tse boikaelelo jwa tsone e leng go tlhomelela
le go aga badiri le baithuti.
Mo athikeleng eno, re tlotla ka diporojeke dingwe tsa go tlhabolola dikago mo dikhamphaseng tse tharo.
Go aga isagwe, setena se le sengwe ka nako
"Dilo le fa e le dife tse di siameng tse re di agang di feleletsa di aga rona."
Jim Rohn
Diporojeke tse di tlileng
go dirwa:
- Go tlhabololwa ga Kago ya Boalo jo bo kwa Tlase (e e nang le diholo tsa botlhatlheledi, diphaposi tse di nang le dikhomphiutha le diofisi) kgato ka kgato. (Kgato ya ntlha e gaufi le go fela.)
- Go tlhabololwa ga Kago e Kgolo ya Botlhatlheledi kgato ka kgato gore tiro ya go tlhatlhelela baithuti e se ka ya kgoreletsega.
- Lefelo le lengwe gape la go phaka dikoloi (la kago ya morago ga kalogo, laeborari le dikago tse di lebaganeng le yone), le le tlileng go ja R2,4 milione. Tiro ya go aga e tlile go dirwa ka nako ya dikgwedi tsa mariga.
- Go fudusiwa ga Sekolo sa Kgwebo le Botsamaisi le go tlamela ka sebaka sa Yuniti e ntšha ya Go Tsweletsa Thuto Pele. Go rulaganyediwa ga porojeke eno ya R8,5 milione go simolotse ka Mopitlwe 2018, mme go lebeletswe gore sebaka seno se bo se dirisiwa kwa tshimologong ya 2019.
- Diofisi tsa Lekgotla la Baithuti tse di atolositsweng, tse tekanyetso ya tsone e leng R1,5 milione; go rulaganyetsa ditshekatsheko tsa porojeke eno go simolotse ka Tlhakole 2018.
- Go agiwa ga kago e e dirisediwang ditiro tse di farologaneng e baithuti batlileng go itisa mo go yone e e tlileng go ja R3,5 milione, le go agiwa ga kago e ntšha e baithuti ba tlileng go itlosa bodutu mo go yone e e tlileng go ja R2,5 milione. Go rulaganyediwa ga porojeke eno go simolola ka Motsheganong 2018.
Jono ke botseno jo bo yang kwa kagong e ntšha
ya Legoro la tsa Molao mo khamphaseng ya YBB
mo Mahikeng.
Go tlhabololwa ga dikago go gatetse pele thata
O ka tswa o bone go agiwa ga kago nngwe e ntšha le diporojeke tse dingwe tsa go tlhabolola le go tlhokomela dikago mo khamphaseng ya Mahikeng.
Badiri ba setse ba fudugetse mo diofising tsa bone tse di ntšha mo kagong e e sa tswang go agiwa bošeng jaana ya Legoro la tsa Molao. Gape maloko a badiri a setse a simolotse go tsena mo diofising tse di leng mo kagong ya tsamaiso e e tlhabolotsweng morago ga gore baithuti ba e je ka molelo ka nako ya dikhuduego tsa 2016. Kago e e tlhabolotsweng gape e na le diphaposi tse di ntšha tsa botlhatlheledi.
Diporojeke dingwe tse di simolotseng bošeng jaana ke go tlhabololwa ga ditselana tsa maoto tsa boalo jwa ditena fa thoko ga ditsela tse dikgolo, matlo a baithuti ba ba ntšha ba tlileng go tsenngwa mo go one le tlhokomelo ya ditirelo tse di amanang le metsi le diphaephe tse di tsamaisang leswe la matlwana.
Go lebeletswe gore go dirwe diporojeke tse pedi, ya go tlhabololwa ga legora le go tlhomiwa ga polase ya dikolobe. Thulaganyo ya seno e tla simolola ka bonako fa tshekatsheko ya diphelelo tsa mo tikologong e sena go dirwa le fa go sena go ntshiwa taolo ya gore tiro e dirwe.
Mananeo a magolo a go baakanya dikago a akaretsa kgato ya tlhabololo ya kago ya bonno ya Kayalitsha, kgato ya boraro e e tsweletseng pele ga jaana.
Mahikeng
Supa mo ditalameng tse di fa godimo go bona diporojeke tsa dikhamphase tse di farologaneng.
Diporojeke tse di tlileng
go dirwa:
- Tiro e tsweletse pele mo kagong e e jeleng R9,8 milione ya Bophepa mo Tirong.
- Go kopanngwa ga senthara ya Setheo sa Go Dira ka Natla le sebaka se sengwe gape sa Sekolo sa Thuto ya Go Tsamaisa Dikarolo tsa Mmele, Metshameko le Boitlosobodutu, fa e le gore setsha se teng. Thulaganyo ya teng e tla simolola ka Seetebosigo 2018.
- Kwa Kagong G23, thulaganyo ya go tlhabolola boalo jwa bobedi go sekae e tsweletse pele mme e tlile go ja R4,2 milione.
- Kwa Legorong la Boenjenere, dithulaganyo tse di ntšha tsa ditirelo tsa dikago le ditsela tsa go tlhoma kago ya go dira patlisiso le tlhamosešwa e e tlileng go ja R2,6 milione e tsweletse pele.
- Thulaganyo ya teng ya bobolokelo jwa metsi le ya porojeke ya maemo a tshoganyetso ya go tlamela ka metsi e e tlileng go ja R4 milione ya kgato ya ntlha e tla simolola ka Moranang 2018.
Kereke eno e e rekilweng ke yunibesiti –
ka fa ntle ga heke ya President Street ya
khamphase ya Potchefstroom – e ne ya
tlhabololwa gore e nne kago ya botlhatlheledi.
TSWELELOPELE KWA PELE
Mo khamphaseng ya Potchefstroom, kago ya bonno ya Oosterhof e ne ya tlhabololwa gotlhelele bošeng jaana ka madi a bokana ka R10,9 milione.
Go na le dibaka tse di farologaneng tse Yuniti e neng ya di newa gore di dirisediwe Dithuto tsa Sekgala tse di Butsweng (Open and Distance Learning [ODL]). Ka fa ntle ga heke ya President Street, kereke e e rekilweng ke yunibesiti bošeng jaana e ne ya tlhabololwa gore e nne kago ya botlhatlheledi, mme e na le diphaposi di le pedi tsa botlhatlheledi tsa ODL mme e jele R9,8 milione. Dibaka tse di leng teng tsa kago ya B6, tse di simolotsweng le go wediwa mo lobakeng lo lo khutshwane, le tsone di ile tsa tlhabololwa.
Diporojeke tse dingwe gape tse pedi tse di rulaganyetswang go dirwa ke tsa tlhabololo ya setsha se go tla tlhomiwang diofisi tsa kamogelo mo go sone tsa Kago F20 le sa go tlhokomelwa ga Cachet Park, go se dikaganyetsa ka legora, go se tsenya saene le lefelo la go phaka dikoloi.
Diporojeke tse di tsweletseng pele ga jaanong tse dikgolo tsa tlhokomelo ya dikago gore di se senyege mmogo le tlhabololo ya tsone di akaretsa tiro kwa dikagong tsa bonno tsa Oppirif le Kom en Gaan, kago ya Perskor ya Dithuto tsa Tlhaeletsano le kago ya Heimat.
Ditiro tse dingwe gape tse di tlileng go dirwa ke dithulaganyo tsa go emisetsa mekgabiso kwa mafelong a mebala ya metshameko le botabogelo jwa baatlelete la Hockey Academy.
Potchefstroom
Supa mo ditalameng tse di fa godimo go bona diporojeke tsa dikhamphase tse di farologaneng.
Diporojeke tse di tlileng
go dirwa:
- Go netefadiwa gore dipatlafalo tsa mo khamphaseng tsa kago ya tsamaiso di tlile go ja R39,4 milione.
- Go rulaganyediwa sebaka se sengwe gape sa Disaense tsa Pholo, go akaretsa le tiriso ya ditsha tse di sa dirisiweng thata mo khamphaseng tse di tlileng go ja R14,5 milione. Porojeke eno e tshwanetse go bo e weditswe ka Mopitlwe 2019.
- Go rulaganyetsa kgato ya ntlha ya kago e ntšha e e nang le phaposi ya botlhatlheledi e e tlileng go ja R18,8 milione go simolotse ka Mopitlwe, mme tiro ya go aga yone e tla simolola ka Phukwi 2018. E re ka nako e tla bo e re eme ka fa phefong, go lebeletswe gore kago e tla tsaya dikgwedi di le robedi go fela
Kago e kgolo mo senthareng ke kago ya ga jaanong jaana ya tsamaiso e e tlileng go fetolwa gore e nne holo ya ditiragalo. Go ikaeletswe gore e golaganngwe le dikago tse di lebaganeng le yone, tse mo go tsone go tla tsenngwang ditirelo tsa go apaya, dikago tsa khonferense le diphaposi tsa boaparelo.
A go na le Holo e kgolo fa dintshing tsa Lekwa?
There is a huge need on the campus in Mo khamphaseng ya Vanderbijlpark, go na le tlhokego e kgolo thata ya go agiwa ga holo ya meletlo ya kalogo le ya ditiragalo tse dingwe tse di amanang le baithuti.
Kago 24, e e leng senthara ya tsamaiso mo khamphaseng, e tla tshwanelegela thata ditiragalo tseo, mme go e dirisetsa seno go tla raya gore badiri-ka-rona ba lefapha la Tsamaiso ya Botshelo jwa Baithuti jwa Akatemi, Matlotlo le ofisi ya mothusa motlatsa-mokanseliri di tla tshwanelwa ke go fudusediwa go sele.
E ne e ka nna mogopolo o montle go fudusetsa lefapha la tsamaiso kwa kagong e e leng gaufi thata le heke, go dira gore e fitlhelelwe motlhofo ke baithuti ba ka moso. Metlotlo ka go agiwa ga kago e ntšha ya tsamaiso gaufi le heke le go fetola Kago 24 gore e nne holo e kgolo mo dintshing tse dintle tsa Noka ya Vaal e sa ntse e tsweletse pele.
Gape khamphase e lebile pele go wetsa porojeke ya go aga e Lefapha la Thutogodimo le Katiso le e tshegetsang ka madi e e tla dirang gore khamphase e kgone go amogela baithuti ba bangwe gape ba le 256. Kago e ntšha e akaretsa holo ya kago ya bonno le mafelo a maloko a a tlhokomelang baithuti. Letlha la go wediwa ga porojeke eno ke Seetebosigo 2019
Vanderbijlpark
Supa mo ditalameng tse di fa godimo go bona diporojeke tsa dikhamphase tse di farologaneng.
M
P
V