le ba bobegadikgang go supa matswela a gone
Go na le polelo e e reng, "Tsamaya
le batho ba ba botlhale gore o tlhalefe".
Mosola wa go inaakanya le ba bangwe o ne wa bontshiwa sentle kwa dikokoanong tse pedi tsa go inaakanya le ba bangwe tse YBB e neng e di tshwere bošeng jaana go nonotsha kamano ya yone le babegadikgang ba ditlamo tse di farologaneng tsa bobegadikgang.
Tiragalo ya ntlha e ne e tshwaretswe kwa Pretoria ka di 25 Diphalane mme mo go yone, YBB e ne e dirisana mmogo le National Press Club go amogela babegadikgang ba ba gatisang, ba dijethale le ba kgaso.
Dibui tse di neng di emetse YBB mo tiragalong eno e ne e le Rre Clement Manoko, mokaedi-mogolo wa dikamano tsa kgwebo le go maketa, Mop Albert Helberg wa Legoro la Boenjenere mo khamphaseng ya Potchefstroom, Mop Herman van der Merwe, mothusa-modini wa go ruta le go ithuta wa Legoro la Disaense tsa Kgwebo le Botsamaisi.
Clement o ne a bolelela ba metswedi ya dikgang ka thulaganyo e ntšha ya yunibesiti le dituediso tsa 2018 tsa yunibesiti, mme a bua ka batho ba ba nang le bokgoni bao ba tlhagisitsweng ke setheo. Herman o ne a bolelela babegadikgang gore yunibesiti e tsepile mogopolo mo go nonotsheng bagwebi, mme Albert ene o ne a lebogela babegadikgang botlhe go bo ba anamiseditse kgakala letsholo la koloi e e tsamaisiwang ke mogote wa letsatsi.
Motlatsa-mokanseliri o leboga babegadikgang
Ka di 3 Ngwanaitseele, Mop Dan Kgwadi, motlatsa-mokanseliri, o ne a ema babegadikgang ka lefoko kwa kokoanong ya go inaakanya le ba bangwe kwa khamphaseng ya Potchefstroom.
Mop Dan o ne a simolola tiragalo eno ka go lebogela babegadikgang kamano e ba dirileng gore ba nne le yone le yunibesiti. O ne a tlhaola ka fa YBB e ileng ya tlogela ka gone go dirisa mokgwa wa puso wa go laola dilo le go simolola mokgwa wa yone wa go ikemela ka nosi ka thulaganyo ya yone e ntšha.
Gape o ile a umaka go sekae baithuti ba ba setseng ba ikwadiseditse go ithuta kwa YBB ka 2018, le go bua ka dituediso tsa yunibesiti le letshwaotlhaolo.
Clement o ne a bua jaana fa a ne a tshwaela ka ditiragalo tsa go inaakanya le ba bangwe: "YBB e anaanela thata go anamisediwa ga yone kgakala le kemonokeng ya maloko a bobegadikgang. Re lebile pele go dirisana mmogo le lona ka tsela e e molemo ka 2018."
Mop Dan Kgwadi, Motlatsamokanseliri wa YBB, o bonwe le Susan Cilliers wa kuranta ya Beeld Hennie Stander wa Potchefstroom Herald le Lizette Labuschagne wa SABC kwa kopanong ya
flela maloba ya go aga mararang mo gae.
Clement Manoko, mokaedi-mogolo wa dikamano tsa kgwebo le go maketa le Mop Albert Helberg wa go tswa mo Legorong la Boenjineri mo Khamphaseng ya Potchefstroom ba ne ba le dibui kwa panong ya go aga mararang e e neng e tshwerwe ke YBB gammogo le Tlelapa ya Bagatisi ba Setšhaba.
<
>