Bomankge ba YBB ba
tlhabana botlhale
botlhale le go dirisa dinopolo
Go tlhabana botlhale go mosola mo metsweding ya dikgang, e bile babueledi ba ba kwa godimo ba YBB ba ka tshegetsa seo ka bosupi. Yunibesiti e ne ya tshwara diawate tsa yone tsa ngwaga le ngwaga tsa Babueledi ba Ngwaga tsa lobaka lwa 2016 ka Labone, wa di 27 Phukwi 2017.
Supa mo ditshwantshong go buisa go feta
Mop Raymond Parsons le Jo van Eeden, ba e leng baithuti ba nako e e fetileng ba YBB ba gape e leng batseleganyi le bagatisi ba Netwerk24. Jo e ne e le sebui se se kgethegileng mo moletlong wa diawate wa ngwaga ono.
Mop Raymond Parsons wa Sekolo sa Kgwebo le Botsamaisi sa YBB o ne a nopolwa gantsi go gaisa botlhe mo metswedi ya dikgang ka 2016. Eno ke phenyo ya gagwe ya bobedi ka tatelano.
Mop Andre Mellet, o ne a newa awate ya ditebogo morago ga go tlhokafala ka ntlha ya go bo a feditse dingwaga di le dintsi a thusa mo porofaeleng ya ba metswedi ya dikgang ba YBB. Annatjie Mellet, mosadi wa gagwe, o ne a le teng mo diawateng mme a amogela setefikeiti sa awate eno.
Annatjie Mellet o amogela awate ya ditebogo mo boemong jwa Mop Andre Mellet yo o tlhokafetseng. Ka nako ya diawate tseno, Suzaan Paxton wa Radio Sonder Grense o ne a neela puo e e amang maikutlo ka André.
Babueledi ba ba kwa godimo ba YBB ba 2016 ke Ngaka David Spies (Awate ya Thotloetso), Theo Venter (wa bobedi go tsaya maemo a bobedi ka kakaretso a awate eno), Mop André Duvenhage (yo o tsereng maemo a bobedi ka kakaretso a awate eno), Mop Abel Pienaar (Mmueledi yo Moša wa YBB), Mop Raymond Parsons (mofenyi wa awate ka kakaretso le yo o Nopotsweng gantsi go gaisa botlhe mo Dikgatisong le mo Dikgannyeng tsa Metswedi ya Dikgang tsa Inthanete, yo gape a Nopotsweng go Gaisa Botlhe mo Diawateng tsa Kgaso ya Metswedi ya Dikgang), Mop Melville Saayman (Kgodiso ya Bobegadikgang), Mop Eva Manyedi (Awate ya Thotloetso) le Mop Danie Meyer (Awate ya Thotloetso).
Baakatemi go tswa kwa magorong a a farologaneng ba ne ba akgolelwa go thusa ga bone ba metswedi ya dikgang ka tsela e e siameng, ya go tokafatsa leinakgwebo la setheo.
Mo ngwageng wa bobedi ka tatelano, Mop Raymond Parsons wa Sekolo sa Kgwebo le Botsamaisi sa YBB o ne a gapa maemo a a kwa godimo ka ntlha ya go nopolwa go ba gaisa botlhe.
Raymond o ne a umakiwa mo metsweding ya dikgang makgetlo a le 465 ka 2016 mme a amogela sejana sa kamogano, mo godimo ga moputso wa madi, ka ntlha ya thuso ya gagwe ya maemo a a kwa godimo.
"Ke itumelela thata kakgolo e ke e neilweng. Fela jaaka go ntse ka mefuta ya dikakgolo, gantsi go a bo go na le setlhopha mo teng ga yunibesiti le ka kwa ntle ga yone se se dirang gore dilo tseno tsotlhe di kgonege mme ke leboga setlhopha seo fela thata.
Re tshwanetse go tlhagisa barutegi
O ne a tlhomolola botlhokwa jwa go bolotsa barutegi ba yunibesiti ka kwa ntle ga yone, mme segolobogolo mo metsweding ya dikgang le mo didirisiweng tse dingwe tse di kwa ntle ga yone.
"Seabe sa barutegi mo setšhabeng se botlhokwa thata mo nageng ya rona le mo ditheong tsa rona tse di kgonang go ba tlhagisa," Raymond o bolela jalo.
"Barutegi botlhe mo setšhabeng e tshwanetse go nna baakatemi mme ga se baakatemi botlhe ba e tshwanetseng go nna barutegi mo setšhabeng Ke baakatemi ba le mmalwa fela ba ba batlang go oketsa seabe sa barutegi mo setšhabeng. Tiro ya rona ke go rotloetsa ba ba mmalwa bao le go tlhomamisa gore ba nna le seabe se se mosola le go dirisa didirisiwa tse ka tsone ba ka kgonang go abelana le ba bangwe kitso le dikgopolo tsa bone.
Wa ntlha go tsaya maemo a bobedi mo setlhopheng seno ke Mop André Duvenhage wa Legoro la Dithuto tsa Mekgwa ya Batho, a bo a latelwa ke Theo Venter wa Sekolo sa Kgwebo le Botsamaisi sa YBB. André le Theo ba kile ba amogela awate eno mo nakong e e fetileng.
Bomankge ba rona ba nopolwa gangwe le gape
YBB e motlotlo ka boleng jo bo tlhomologileng jwa bomankge ba yone, bao metswedi ya dikgang e ratang bokgoni jwa bone. Bosupi jwa seno bo bontshiwa ke go umakiwa makgetlo a le diketekete a dipotsolotso le dinopolo tsa bone ka metlha, tse e leng tsa maloko a YBB mo dikuranteng, mo metsweding ya dikgang le mo radiong le mo thelebišeneng. Ka 2016 go ne ga gatisiwa palogotlhe ya ditlhogo di le 2 419 tsa metswedi ya dikgang tse mo go tsone go neng go nopolwa kgotsa go botsolotswa bomankge ba YBB.
Moletlo wa Mmueledi wa Ngwaga ga se wa ba ba dirileng diphitlhelelo tse di kwa godimo fela, mme gape ke wa go akgola bomagogorwane ba teng, le badiri ba ba tsenelang tiro ya metswedi ya dikgang.
Mop Raymond Parsons, yo o Nopotsweng gantsi go gaisa botlhe mo Dikgatisong le mo Diawateng tsa Dikgang tsa Inthanete le go Nopolwa go Gaisa Botlhe mo Diawateng tsa Kgaso ya Metswedi ya Dikgang, ka ntlha ya dikgopolo le ditshwaelo tsa gagwe tse di botlhale ka dilo tse di farologaneng tse di amang boemo jwa ikonomi mo Aforikaborwa.
Mop Melville Saayman, wa Legoro la Disaense tsa Ikonomi le Botsamaisi, o neilwe Awate ya Kgodiso ya Bobegadikgang ka ntlha ya go godisa go feta gangwe ditshwaelo tsa gagwe ka ditlhogo tse di jaaka tshomarelo ya diphologolo tsa naga, mekgwa ya bojanala le ka fa dipolotiki di amang bojanala jwa lefatshe lotlhe ka gone.
Mop Abel Pienaar, wa Legoro la Disaense tsa Pholo, o neilwe Awate ya Mmueledi yo Moša wa YBB ka ntlha ya ditshwaelo tsa gagwe ka mekgwa ya setso ya go alafa malwetse, le ka tlhaelo ya baoki le ka fa seno se amang tlhokomelo ya kalafi mo Aforikaborwa ka gone.
Mop Danie Meyer wa Legoro la Disaense tsa Ikonomi le Botsamaisi, o ne a newa Awate ya Thotloetso ka ntlha ya tshwaelo ya gagwe ka boemo jo bo siameng jwa ikonomi kwa lefelong la Khutlotharo ya Lekwa.
Ngaka David Spies wa Legoro la Disaense tsa Ikonomi le Botsamaisi, o ne a newa Awate ya Thotloetso ka ntlha ya tshwaelo ya gagwe ka diphelelo tse komelelo e nang le tsone.
Mop Eva Manyedi wa Legoro la Disaense tsa Pholo, o ne a newa Awate ya Thotloetso ka ntlha ya ditshwaelo tsa gagwe malebana le go sotlwa ga basadi le go ba tlhasela ka tsa thobalano.
MOP Raymond Parsons
MOP Melville Saayman
MOP ABEL PIENAAR
MOP DANIE MEYER
NGAKA DAVID SPIES
MOP EVA MANYEDI
Tobetsa mo godimo ga maina go buisa go feta ka ga bafenyi ba dikarolo.
