Maloko a setlhopha sa batsamaisi ba bagolo ba ba sa tswang go tlhomiwa ba tlhagafetse le go ineela mo tirong ya bone – seno se lemotshega sentle ka ditshwaelo tsa bone tse di buwang ka go tlhomiwa ga bone le se isagwe e ba tsholetseng sone.
Go tlhomiwa gono ga bone mo tirong ke sengwe sa dilo tse di dirwang tsa thulaganyo ya go rulaganya dilo boša e boikaelelo jwa yone e leng go dira gore yunibesiti e nne seoposengwe, go akaretsa le bathusa batlatsa-bakanseliri le badini-bagolo, bao bangwe ba bone ba leng mo maemong ao ka nakwana go fitlha diphatlhatiro tseo di tladiwa.
Tobetsa diaekhone go bona gore baeteledipele bano ba YBB ba reng ka go tsweledisetsa diphotefolio le magoro a bone pele gore di tlhabologe le go tlhoma YBB jaaka setheo se se leng seoposengwe.
Mop Robert Balfour
Mothusa Motlatsa-Mokanseliri wa Nakwana: wa Go Ruta le Go Ithuta
Go Ruta le Go Ithuta ke selo sa botlhokwa mo baithuting. Mo ofising eno, re dira maiteko otlhe a go nonotsha le go naya baithuti bokgoni e seng fela ka se ba se ithutileng le gore ba ne ba ithuta jang, mme gape ka go kopana le baithuti le baakatemi.
Go fetolwa ga akatemi, le go fetolwa ga kharikhulamo, ke ditiro tse di tsamayang mmogo. Diporojeke tseno di kgatlha tota e bile di naya baithuti bokgoni; di re tlhagafatsa ka go re tlhotlheletsa go akanya ka tsela e ntša ka dilo tse di mo nakong le ka isagwe ya rona. Di re tlhotlheletsa go tsaya tsia boineelo jwa rona jaaka yunibesiti mo tshiamisong ya loago, go e dirisetsa go tlhama kharikhulamo e e akaretsang botlhe ya mo isagweng.
Mop Awie Kotze
Modini-Mogolo: Legoro la Disaense tsa Pholo
Ke ikaeletse go tlamela botlhe ka boemo jo mo go jone leloko lengwe le lengwe la badiri le tla kgona go diragatsa tiro ya lone, tlhamo, kgatelopele le go tsenya tirisong mekgwa e e e gaisang yotlhe ya tiro ya go ruta le go ithuta le ya go dira patlisiso le ya tlhamosešwa mo dikhamphaseng tsotlhe, go dira gore YBB e nne seoposengwe le go fitlhelelwa ga togamaano ya legoro le thulaganyo ya lone.
Legoro le tla leka go tlhaloganya dikgono tse di farologaneng tse di batlegang mo tsamaisong e e raraaneng ya tsa tlhokomelo ya kalafi e e nang le dikgono tse di farologaneng tsa maemo a a kwa godimo le tsa maemo a a kwa tlase tse di leng teng ka ntlha ya ditlhoko tsa kalafi mo setšhabeng sa batho ba ba farologaneng le tlhokego ya gore go tlamelwe ka ditekanyetso tsa maemo a a kwa godimo a mekgwa ya boitshwaro.
Re lebile pele go atolosa katiso ya tsa kalafi, segolobogolo kwa Khamphaseng ya Mahikeng le ya Vanderbijlpark, ka go tsenyeletsa mananeo a maša a tlhamosešwa le dithutego tse boikaelelo jwa tsone e leng go tlamela naga ya rona ka dilo tse di tlhokegang tsa kalafi. Pholo ya Gago e Simologa Fano.
Mop Elsa Mentz
Modini-Mogolo wa Nakwana: Legoro la Thuto
Legoro le le ntšha la Thuto le tla thusa ka go tlamela ka barutabana ba ba tlhokegang mo Aforikaborwa ba ba ineetseng mo tirong ba ba ka kgonang go tlisa pharologano mo teng ga phaposiborutelo le kwa ntle ga yone. Re tla dira seno ka go ruta baithuti dithuto tsa rona ba le mo setheong kgotsa ba le kgakala le setheo sa thuto. Gape re tla dira patlisiso e e lekang go rarabolola dikgwetlho tsa go ruta thuto mo nageng e e tlhabologang.
Go ya pele, re tla oketsa palo ya ditheo tsa patlisiso ka boikaelelo jwa go tlisa dipharologano le go amogela dipatlisiso tse di farologaneng mo legorong. Tiro e re tlileng go nna le yone ya go nna le seabe mo baaging e tla nna ya go batla go dira gore dikolo le mafelo a baagi a a tshegediwang ke dikolo tseno e nne mafelo a tlhokomelo.
Fa re ntse re leka go fitlhelela seno sotlhe, ke tla tshegetsa tsela e YBB e tlhaolwang ka yone le mekgwa ya yone ya go dira dilo jaaka setheo sa dikhamphase tse di farologaneng tse di kopantsweng. Ka dikopano tsa ka metlha tse di kopanetsweng mo thulaganyong yotlhe ya Legoro, ke tla leka go dira gore badiri ba ikutlwe ba ratwa le go ineela mmogo mo tirong.
Prof Robert Balfour
Acting Deputy Vice-Chancellor: Teaching and Learning
Teaching and Learning is key to student experience. In this office, all our efforts are geared to empowering and enabling students not only through what is learned and how the learning occurs, but also in the interaction between students and academics.
Academic transformation of the academy, and transformation of the curriculum, are thus mutually inclusive activities. These are exciting and enabling projects; they energise us by prompting us to think afresh about relevance and our futures. They inspire us to take to heart our commitment as a university to social justice, using it to shape a curriculum that is genuinely inclusive and future-oriented.
Mop Fika Janse van Rensburg
Motlatsa-mogokgo wa YBB le Mothusa Motlatsa-Mokanseliri : Potchefstroom (wa nakwana)
Lebaka fela la gore YBB ke setheo sa dikhamphase tse di farologaneng tse di kopantsweng le thusa fela thata. Fa nngwe le nngwe ya dikhamphase tsa rona e nonofile, YBB e tla nonofa le yone. Ke lebile pele go dira gore YBB e nne seoposengwe mo tirong ya me e e maphata mabedi – Jaaka mothusa motlatsa-mokanseliri wa khamphase mo Potchefstroom, le jaaka motlatsa-mogokgo wa YBB yotlhe. Ke batla go tlatseletsa kgopolo ya gore, ka fa letlhakoreng le lengwe, khamphase nngwe le nngwe e itlhaola ka go dirisa letshwao la yone le le tlhomologileng gore YBB e solegelwe molemo, mme ka fa go le lengwe, e atolosa letshwao leno go tlhama letshwao le YBB yotlhe e tlhaolwang ka lone.
Ka tsela eno, ke batla go dira gore pina ya yunibesiti e nne boammaaruri: “Three strong streams united flow!” ("Melapo e Meraro e e maatla e elela mmogo!") Fa molapo mongwe le mongwe o elela ka maatla e bile motswedi mongwe le mongwe wa one o sireleditswe botoka, melapo eno e tla elela mmogo jaaka noka e e nonofileng.
Mop Sonia Swanepoel
Modini-Mogolo: Legoro la Disaense tsa Ikonomi le Botsamaisi
Ke dumela gore dikarolo tse di kopantsweng di gaisa tse di sa kopanngwang, ka jalo go nna seoposengwe go ka fitlhelela go le gontsi mo boemong wa batho ka bongwe kgotsa magoro ka bongwe. Ka go kopanngwa ga magoro a nako e e fetileng a mararo gore a nne Legoro le le ntšha le le sa tswang go tlhomiwa la Disaense tsa Ikonomi le Botsamaisi , re tla kgona go tlhakanela didirisiwa, batho le bokgoni gore re fitlhelele mokgele wa YBB, mme gape re tla nna le palo e e seng kana ka sepe ya batho ba ditso tse di farologaneng e e tla dirang gore re nne le dipono tse di farologaneng tse di tla tsosang ditherisano le go buisana ka metlha go dira gore go nne le tshiamiso mo loagong.
Dithulaganyo, mekgele le maikaelelo ke dilo tse di ka fitlhelelwang fela ka batho (dikarolo tsa konokono tsa go atlega). Ka jalo, boeteledipele jo bo siameng bo dira gore go nne le boemo jo bo nayang botlhe bokgoni le go ba tlhomelela, le kgonego ya gore go nne le kgolo, e leng nngwe ya ditiro tse di dirwang go ya ka mekgwa e mentle ya YBB ya go fitlhisa legoro la rona kwa mankalengkaleng.
Mop LJ Grobler
Modini-Mogolo wa Nakwana: Legoro la Boenjenere
Legoro la rona le tla tlhoma mogopolo mo go ameng dikhamphase tse dingwe tse pedi. Seno se tla dirwa ka go tlhama mananeothuto a maša mo dikhamphaseng tse dingwe tse pedi le ka go dirisana mmogo le magoro a mangwe mo diporojekeng tse di logetsweng maano.
Gape re ikaeletse go thusa ka go dira gore baagi, kgaolo le Aforikaborwa di nne le tshiamiso mo loagong ka go tlhama diporokeramo tsa khomphiutha tsa boenjenere tse di itekanetseng sentle le go di dirisa.
Mo godimo ga moo, re tla tlhoma mogopolo mo go direng gore baithuti botlhe ba kgone go tsena mo yunibesiting gape re tla tswelela pele go tlhoma mogopolo mo boemong jwa maemo a a kwa godimo jwa go ruta le go ithuta, go dira patlisiso le tlhamosešwa.
Mop Linda du Plessis
Mothusa Motlatsa-Mokanseliri: Vanderbijlpark
Hellen Keller o kile a re: “Motho a ka dira go le gonnye fa a le nosi. “Mme re ka dira go le gontsi fa re le bantsi." Polelo eno ke yone kgato ya konokono ya go atlega mo dithutong tsa maemo a a kwa godimo mo YBB e e seoposengwe, mme ke itumelela thata go bo ke le karolo ya yone.
Ke batla go leka go dira gore YBB e tseye karolo ka tsela e kgolwane mo Gauteng; go golaganya batho le dikgopolo tsa bone; go rotloetsa tiriso ya dipuo tse di farologaneng mo boemong jwa go tlosa sengwe, le go rotloetsa tshiamiso.
Khamphase e e kwa Vanderbijlpark e mo lefelong le botlhokatiro bo leng kwa godimo thata mo go lone mme ka jalo go botlhokwa gore re tshegetse baša mo baaging gore ba kgone go tsenela thutogodimo, re ba tlhomelele gore ba atlege mo dithutong tsa bone le go tlhagisa baalogi ba ba fitlhelelang dipatlafalo tsa kgwebo le tsa intaseteri
Mop Eno Ebenso
Modini-Mogolo: Legoro la Disaense tsa Tlhago le Temothuo
Le fa jono e le boemo jo bo gwetlhang, ke tla leka ka natla go kaela legoro kwa ntle ga go fitlha sepe le ka boikanyegi. Leano le le ntšha leno le siametse YBB jaaka setheo se se leng seoposengwe mme le tla lolamisa mananeothuto otlhe a rona a go ruta le go ithuta le go dira patlisiso. Gape le tla rotloetsa gore botlhe ba nne le didirisiwa ka go lekalekana mmogo le ditirelo.
Mop Stephen de la Harpe
Modini-Mogolo wa Nakwana: Legoro la tsa Molao
Dikgwedi di le mmalwa tse di latelang e tlile go nna tsa nako e e itumedisang thata mo Legorong le le ntšha la tsa Molao. Ga se gantsi motho a nnang le tšhono le tshiamelo ya go tsaya karolo mo go tlhomeng legoro le le ntšha le le tlhaolwang ka tsela e ntšha.
Ke ka rata gore legoro le le seoposengwe, badiri le baithuti ba amogele ponelopele ya ka fa yunibesiti e e seoposengwe e tlileng go nna ka gone ka botlalo, go tloga fela kwa tshimologong. Re tshwanetse go tlhoma le go tsenya tirisong mekgwa e e e gaisang yotlhe ya tiro malebana le tiro ya rona ya konokono le go laola legoro le le ntšha le le seoposengwe.
Mo lobakeng lo lo khutshwane, legoro le tshwanetse go tlhoma thulaganyo e e tla atlegang ya go tokafatsa LLB le go rarabolola mathata a a tlhomolotsweng ke Lekgotla mo pegong ya Thutogodimo. Ka nako ya diphetogo legoro le tshwanetse gore gape le gatele pele ka tiro ya lone ya konokono le go leka go fitlhelela mekgele ya lone.
Mop Lumkile Lalendle
Mokaedi-Mogolo: Botshelo jwa baithuti
Ke ikaeletse go dira mmogo le baamegi botlhe go tokafatsa maitemogelo a baithuti mo dikhamphaseng tsotlhe tsa YBB.
Se ke tsepileng mogopolo thata mo go sone e tla nna go tokafatsa mokgwa wa go dirwa ga dilo mo setheong, go buisana botoka le ba bangwe le go rotloetsa gore baithuti ba newe ditšhono ka go lekalekana mo botshelong. Photefolio eno e tla dira gore re kgone go dira re le setlhopha go rotloetsa tshiamiso mo loagong mo yunibesiting ya rona le mo gare ga baagi ba yunibesiti e dirang mo gare ga bone.
Mop Marilyn Setlalentoa
Modini-Mogolo: Legoro la Dithuto tsa Mekgwa ya Batho
Legoro le akaretsa dipuo, dithuto tsa tlhaeletsano, disaense tsa loago, dithuto tsa puso, mmino le filosofi. Mongwe wa mekgele ya rona ke go dira gore baithuti ba nne le bokgoni jwa go bona ditiro, puisano le jwa tlhamosešwa gore ba kgone go tlamela ka bontsi jwa dilo tse di tlhokwang ke ditšhaba tsa lefatshe lotlhe tse di raraaneng tsa ditso tse di farologaneng. Gape re batla go tlhama boemo jwa maemo a a kwa godimo a tsela ya tshedimosetso ya go ruta le go ithuta e e tlisang katlego.
Mekgele e mengwe ke ya go tlhoma mogopolo ka mo go kgethegileng mo tseleng e badiri ba dirisang talente e ba nang le yone ka yone go tlhama boemo jo mo go jone go dirwang tiro e e nang le matswela le go dira gore batho ba nne ba ntse ba na le tsholofelo, le go abela ba bangwe kitso ya tsa saense ka go dira patlisiso le tlhamosešwa go dira gore lefatshe e nne lefelo le le botoka.
Gape re itumelela le amogela dipharologano le go ineela ka botlalo mo go tliseng tshiamiso mo loagong, le go nna baagi ba ba tshwaregileng ka tiro ya go naya ba bangwe kitso le go ba ruta dikgono tsa tiro gore yunibesiti le baagi mo tikologong ya rona ba solegelwe molemo.
Mop Rantoa Letšosa
Modini-Mogolo wa Nakwana: Thutabomodimo
Legoro la Thutabomodimo ke lengwe la magoro a a kwa pele a setheo se se leng seoposengwe, sa dikhoso tse mo go tsone go neng go dirisiwa letlapanakwalelo le le lesweu mo dikhamphaseng tsotlhe mo nakong e e fetileng le go lolamisa dimmojulu dingwe fa go ne go rutwa thutabomodimo mo khamphaseng e e fetang e le nngwe. Thulaganyo e ntšha ya go nna seoposengwe ga tsone e bula ditšhono tse di oketsegileng tsa go atolosa mananeothuto le go ruta thutabomodimo mo dikhamphaseng tsotlhe. Seno e tla nna selo sa ntlha mo lenaneong la me.
Gape Legoro le dirile tiro e e tlhomologileng mo patlisisong ya lone mme boikaelelo ke go e atolosa ka go tlhama mananeo a a botoka a katiso go baakanyetsa baakatemi ba ba fatlhogang gore ba newe maduo.
Gape keletso ya me ke gore tiro ya Legoro e tshwanetse go bonala sentle mo baaging le go ngoka baithuti ba ba oketsegileng. Gore seno se direge, ke tla rotloetsa baakatemi ba legoro go nna le seabe se segolo mo go tsibogeleng maemo mo setšhabeng, go nna le seabe mo baaging le go abelana maitemogelo.
