Badiri ba YBB ba tshegetsa letsholo la kgatelelo ya madi
Maloko a badiri ba YBB a ne a tsenela letsholo la lefatshe lotlhe la go lemosa batho ka kgatelelo ya madi ka kgwedi ya Motsheganong, gore a tseye karolo mo motseletseleng wa go tlhatlhoba batho kwa dikhamphaseng tsa yunibesiti le mo baaging ba ba gaufi le tsone. Leno e ne e le letsholo le legolo go a gaisa otlhe a a kileng a dirwa.
Kgwedi ya Motsheganong e ne e le Kgwedi ya Boditšhabatšhaba ya Kgatelelo ya Madi mme di 17 Motsheganong e ne e le Letsatsi la Boditšhabatšhaba la Kgatelelo ya Madi.
Kgwedi ya Boditšhabatšhaba ya Kgatelelo ya Madi ke letsholo la lefatshe lotlhe la go tlhatlhoba batho le le tlhomololang tlhokego ya go godisa letsholotemoso la kgatelelo ya madi. Boikaelelo jwa teng ke go lekanya kgatelelo ya madi ya batho ba le dimilione di le 25 mo lefatsheng lotlhe go bona gore tota bothata jono bo bogolo go le go kae. Mo Aforikaborwa go nnile le matsholo a a farologaneng a go lemosa batho ka kgatelelo ya madi go rotloetsa botlhe ba ba nang le dingwaga tse di fetang 18 go tlhola kgatelelo ya bone ya madi.
Mafelo a kwa Potchefstroom a e tlhatlhobiwang kwa go one ke Senthara ya Ingryp, Senthara ya Pholo, Senthara ya Wellness le Tliliniki ya Kgatelelo ya Madi ya Setlhopha sa Patlisiso sa Kgatelelo ya Madi mo Aforika (Hypertension in Africa Research Team [HART]).
Kwa Mahikeng, go tlhatlhobelwa ga batho kgatelelo ya madi go ne ga direlwa kwa Great Hall ya khamphase ka di 31 Motsheganong. Kwa Vanderbijlpark, tlhatlhobo ya teng e ne ya dirwa ka di 24 Motsheganong kwa lapa mo khamphaseng.
Go na le bomang mo YBB
Moporofesa wa YBB e leng Ruan Kruger le Mop Angela Woodiwiss wa Yunibesiti ya Witwatersrand (Wits) ba eteletse letsholo la Aforikaborwa pele. Ruan ke modulasetulo wa ga jaanong jaana wa Komiti e Ntšha ya Patlisiso ya Mokgatlho wa Boditšhabatšhaba wa Kgatelelo ya Madi, mme ke leloko la boto ya bakaedi ba Mokgatlho wa Aforika Borwa wa Kgatelelo ya Madi (Southern African Hypertension Society [SAHS]). O dira mo teng ga setheo sa patlisiso sa HART, e bile o golagane le Yuniti ya Patlisiso e e Direlwang Kwa ntle ga Setheo sa Kgatelelo ya Madi le ya Bolwetse jwa Pelo ya Lekgotla la Aforikaborwa la Patlisiso ya tsa Kalafi.
Ruan a re kgatelelo ya madi ke selo se se bakang loso se go begwang thata ka sone Aforikaborwa. "Gape ke bothata jo bogolo mo lefatsheng lotlhe. Ngwaga le ngwaga, batho ba le dimilione di le 10 ba a swa mo lefatsheng lotlhe ba bolawa ke kgatelelo ya madi ka ntlha ya seterouku, go ema pelo kgotsa sengwe se se bakwang ke bothata jono. Mo e batlang e nna halofo ya batho bao ba ne ba sa itse gore ba na le kgatelelo ya madi. Seno se ka bo se ile sa thibelwa ka go tlhatlhoba kgatelelo ya bone ya madi e ka metlha gore go dirwe tlhopho nngwe e e siameng ya go lelefatsa botshelo jwa bone."
Ditlhatlhobo tsa kgatelelo ya madi di ne tsa direlwa kwa lapa kwa khamphaseng ya YBB kwa Vanderbijlpark.
Colleen O'Grady wa Ditirelo tsa Setegeniki o ne a dirwa teko ya madi e le karolo ya letsholo la
kgatelelo ya madi mo khamphaseng ya YBB ya Vanderbijlpark.
Setlhopha seno sa badiri ba YBB ba ba ineetseng mo tirong ya bone se ne sa thusa go itsise baithuti le badiri ka botlhokwa jwa mokgwa o o
tekanetseng wa botshelo le go dira diteko tsa kgatelelo ya madi ka metlha.
Badiri le baithuti ba khamphase ya YBB kwa Vanderbijlpark ba ne ba ithuta gore go tlhatlhoba
kgatelelo ya madi ka metlha go ka boloka matshelo.
Badiri le baithuti ba khamphase ya YBB kwa Vanderbijlpark ba ne ba ithuta gore go tlhatlhoba
kgatelelo ya madi ka metlha go ka boloka matshelo.
Jackie Mosedi wa lefapha la Merero ya Baithuti o tlhatlhobile kgatelelo ya madi.
Jandré du Plessis, Elrize Basson, Sarel Prinsloo, Esti Kruger, Adré Rossouw, Leandri du Plooy le Trisha Redelinghuys ba Setheo sa YBB sa Thuto
ya go Tsamaisa Dikarolo tsa Mmele, ba ne ba thusa ka diteko tsa kgatelelo ya madi.
Luisa Ntjamba, Renshia Fourie le Chanre Strydom, botlhe ba e leng baemedi ba 4D Health, Bonita Maboeta, mmenejara wa Wellness ya YBB le
Mario Chauque, mookamedi wa lenaneo la HIV/Aids kwa YBB, o ne a thusa go dira letsholotemoso ka nako ya Letsatsi la Boditšhabatšhaba la
Kgatelelo ya Madi ka kgwedi ya Motsheganong.
Sr Tebogo Ngakantsi o tlhola kgatelelo ya madi ya ga Mop Ravinder Rena. Ene ke wa kwa
Sekolong sa Kgwebisano le Puso mo Khamphaseng ya Mafikeng.
Phephile Shongwe le Trude Gareko wa Tirelo ya Bosetšhaba ya Madi ya Aforikaborwa o ne a thusa badiri le baithuti gore ba tlhatlhobe go bona gore
ba wela mo setlhopheng sefe sa madi.
Precious Peme, mmenejara wa Legoro la Molao, o tlhomamisa gore go uba
ga pelo ya gagwe ga go na mathata.
Ga go na sepe se se monate jaaka go sidilwa mmele; botsa
Mop Masood Khalique.
9 / 12
<
>