Dit is wat die motiveringspreker Robin Banks gesê het tydens sy onlangse “Success is a Choice”-werkswinkel wat deur die NWU se bhive Ondernemingsontwikkelingsentrum (EDC) en die Alumnikantoor aangebied is.

 

Robin het sy passie vir persoonlike bemagtiging met NWU-alumni en ander gaste gedeel, en beklemtoon dat die meeste mense nie die inherente krag van hul denke besef nie.

 

Hy glo ’n mens kan deur die kwaliteit van jou gedagtes die pad na sukses oopmaak, aangesien dit jou gedagtes en drome kan laat realiseer.Daar is verskeie denkkrag-opleidingstegnieke wat op die onderbewussyn as kragtige deel van die mens se denkproses fokus.

 

Robin meen deur te leer hoe om hierdie deel van jou brein te ontsluit, jy die vermoë kan verbeter van jou denke om probleme op te los, en beheer kan neem oor dinge wat jou gedagtes aflei.

 

Hy sê die volgende opleidingstegnieke kan jou help om hierdie onontginde deel van jou brein te benut: visualisering, meditasie, wegbreek uit jou gemaksone, en slaap (helder of “lucid” drome).

 

Zanele Ngobese, ’n alumniverhoudingepraktisyn by die Alumnikantoor, stem saam dat dit belangrik is vir mense om van hul besluitnemingsprosesse bewus te wees. “Ons tree te dikwels op ’n outomatiese manier op en doen dinge uit gewoonte eerder as om bewuste besluite te neem,” sê sy.