Die NWU se Ikateleng-projek het die afgelope 30 jaar deur middel van aanvullende leer ’n positiewe impak op die lewens van duisende leerders regoor sentraal-Suid-Afrika gehad.

Hierdie projek, wat as een van Suid-Afrika se suksesvolste bemagtigingsinisiatiewe beskou word, verskaf steeds onderrig aan graad 10-, 11- en 12-leerders.

Die program verbeter hulle oorhoofse eksamenuitslae, dra noodsaaklike lewensvaardighede oor en verhoog toegang tot tersiêre onderwys vir akademies verdienstelike leerders.

Die video vertel die verhaal van die Ikateleng-projek en hoe duisende leerders oor die jare heen daarby gebaat het.