Die Alumnikantoor het in die verlede by die afskeidsfunksies vir finalejaarstudente na die studente uitgereik net voor hulle die universiteit sou verlaat. Hierdie nuwe, meer omvattende projek betrek hulle egter vroeg reeds in hul studentelewe.

 

“Die idee is om op ons huidige studente te begin fokus terwyl hulle nog aktief deel van die NWU is,” sê projekbestuurder Tshepisho Seebela.

 

Hoe meer siele, hoe meer vreugde

 

Die projek sal studente sowel as alumni insluit.

 

“Ons sal ons studente bekendstel aan die idee om alumni te wees en vir hulle vertel van die aktiwiteite waaraan hulle in die toekoms kan deelneem.

 

“Hulle sal ook huidige alumni ontmoet wat hulle sal motiveer om aktiewe alumni te wees en met die universiteit in kontak te bly,” sê Tshepisho.

 

“Ons gaan hulle vir toekomstige reünies, fondsinsamelingsgeleenthede, gemeenskapswerk en mentorskapprogramme voorberei.”

 

“Julle as alumni sal tydens die verskillende geleenthede die kans kry om jul werkservaring, kundigheid en kennis met die studente te deel. Julle kan hulle ook inspireer om lojale, betrokke alumni te word (en te bly!).”

 

Kontak asseblief vir Tshepisho by tshepisho.sebeela@nwu.ac.za as jy deel van hierdie projek wil word.

 

Wanner julle ons kampusse tydens die Ope Dae op 18 Mei in Vanderbiljpark en op 24 Mei in Mahikeng besoek, is julle welkom om ʼn draai by die Alumnikantoor se stalletjies te maak vir ’n geselsie, om julle kontakinligting op ons stelsel by te werk, of om by die Konvokasie aan te sluit.