Hoe lank is jy al by die NWU?

Tegnies is ek sedert 2008 by die NWU toe ek met my BA-graad in kommunikasie besig was. Ek was gelukkig om ’n jaar nadat ek my BAHons in kommunikasie in 2012 verwerf het by die universiteit te begin werk.

 

Het jy enige ander kwalifikasies?

Ek het ook ’n BAHons in geskiedenis van die universiteit, en ek werk tans aan sertifikate in sosialemediabemarking en handelsmerkbestuur by die Digital School of Marketing.

 

Wat geniet jy die meeste van jou werk?

Om betaal te word om heeldag met sosiale media besig te wees! En om deurlopend iets nuuts oor die NWU en sosiale media te leer.

 

Waar het jy grootgeword?

Ek is in Pole gebore en daar gewoon tot ek ongeveer twee jaar oud was. Ek en my gesin het toe Suid-Afrika toe getrek, en ek woon sedertdien in Drie Riviere, Vereeniging.

 

Wat is jou gunsteling- Suid-Afrikaanse gereg?

Daar is ’n strawwe kompetisie tussen droëwors, malvapoeding en pampoenkoekies.

 

Waarvan in Suid-Afrika hou jy die meeste?

Ek het baie rondgereis toe ek grootgeword het en ek kon die verskillende kulture en omgewings van Suid-Afrika ervaar. Ek is mal oor hoe pragtig die land is.

 

Waar sien jy jouself in die volgende paar jaar?

Ek het een van twee moontlike drome vir die toekoms. Die eerste is om terug te trek Pole toe en daar as digitalemediaspesialis of dosent in geskiedenis te werk.

 

Die tweede droom is om na my broer, Adam, en sy klein gesin in Kanada toe te trek en ’n Kanadese Mountie te vind om mee te trou en vir altyd gelukkig saam met hom te leef.

 

Wat doen jy in jou vrye tyd?

Ek is ’n natuurlike introvert, dus is my vrye tyd my alleentyd. Ek geniet ’n goeie boek, en 5D-diamantskilderwerk en bakwerk het my inperkingstokperdjies geword.

 

Wat of wie motiveer jou?

Beslis my ma. As daar enigiemand is met wie jy nie sukkel nie, is dit ’n Poolse ma. Hulle is hardkoppig, sê iets soos dit is, en werk hard vir hulle familie en vriende. Ek kry my parmantigheid, empatie en liefde vir al die dinge van ’n geek beslis by my ma.

 

Waarvoor wil jy graag onthou word?

Ek dink elke persoon wat my al ontmoet het, sal my vir iets anders onthou, en ek hou nogal daarvan.

 

Van hulle sal my onthou vanweë my talle haarstyle en -kleure, en my uitstalling op my lessenaar van alles wat met Star Wars, Star Trek en Marvel te doen het. Ander kan dalk onthou hoe betroubaar, hardwerkend en snaaks ek was, of selfs ’n laspos wat te veel om verskoning vra.