julle het gepraat, en ons het geluister
Etiek@NWU:
Ons het verlede jaar in ’n opname vir julle gevra wat julle persepsie is van die stand van etiek by die NWU, en julle het vir ons gesê. Nou gebruik ons julle terugvoer om ’n etiekstrategie vir die NWU op te stel.
x
Waar dit alles begin het
Ons het gedurende 2020 The Ethics Institute, ’n onafhanklike liggaam, gevra om ’n etiekevaluering by ons universiteit te doen. Nadat hulle fokusgroeponderhoude gevoer het, het ons al ons personeel uitgenooi om aan die kwantitatiewe evaluering deel te neem deur ’n opname in te vul.
Gedragsrisiko’s wat meer dikwels deur werknemers teëgekom is
Risiko
Gedragsrisiko’s wat selde deur werknemers teëgekom is
Geleenthede
OORKOEPELENDE TELLING VIR ETIESE GEDRAG: 94/100
Meer volwasse etiekkultuurgebiede (etiekgeleenthede)
Kwesbaarste etiekkultuurgebiede (etiekuitdagings)
Oorsig van volwasse etiese kultuur
OORKOEPELENDE TELLING VIR ETIESE KULTUUR: 38/100
Integrasie: Ons moet dus nog baie doen om ’n ontwikkelde etiekkultuur te skep…
Botsing van belange
Verhouding met studente
Verhouding met verskaffers
Omseiling van reëls
Onbillike mensepraktyke
Werknemers op niebestuursvlak se verbintenis tot etiek
Verantwoord-
baarheid en verantwoordelik-
heid vir etiek:
Etiekgesprek
Etiese behandeling van werknemers
BOTSING VAN BELANGE
Gradering: Laag
Werknemers het baie selde ’n botsing van belange teëgekom of waargeneem.
VERHOUDING MET STUDENTE
Gradering: Laag
Werknemers het aangedui dat onetiese/swak gedrag teenoor studente baie selde waargeneem is.
VERHOUDING MET VERSKAFFERS
Gradering: Laag
Werknemers het aangedui dat onetiese/swak gedrag teenoor verskaffers baie selde waargeneem is.
OMSEILING VAN REËLS
Gradering: Hoog
Werknemers het gedrag teëgekom waar werknemers op verskeie vlakke die universiteit se organisatoriese reëls, beleide en prosedures tot ’n mate buig of omseil, of ander omhaal om dit te doen.
ONBILLIKE MENSEPRAKTYKE
Gradering: Hoog
Werknemers het relatief dikwels inkonsekwente gedrag soos begunstiging en onbillikheid in prestasiebeoordelings teëgekom. Gevalle van die misbruik van mag, intimidasie en boeliegedrag is ook deurgaans gerapporteer.
WERKNEMERS OP NIEBESTUURSVLAK SE VERBINTENIS TOT ETIEK
Gradering: Ontwikkelend
Die mate waartoe werknemers (op niebestuursvlak) bewus is van etiek by die universiteit, etiekopleiding ontvang en verstaan dat etiek belangrik is vir besigheid.
VERANTWOORD-
BAARHEID EN VERANTWOORDELIK-HEID VIR ETIEK
Gradering: Onderontwikkel
Die mate waartoe die universiteit en sy bestuur op ’n oop en deursigtige manier werknemers deurgaans en billik vir hulle gedrag en besluitneming verantwoordbaar hou.
ETIEKGESPREK
Gradering: Onderontwikkel
Die mate waartoe werknemers openlik oor etiek praat, gemaklik voel om etiekbekommernisse te opper en etiek verbaal te oorweeg voordat hulle besluite neem, of ’n werkwyse aanpak.
ETIESE BEHANDELING VAN WERKNEMERS
Gradering: Onderontwikkel
Die mate waartoe die universiteit en sy bestuur werknemers met respek, billikheid en waardigheid behandel en werknemers in ag neem voordat besluite geneem word wat hulle raak.
matige risiko
onderontwikkel
Die resultate in die kollig
Kom ons kyk nou na die resultate – hier is kortliks wat julle vir ons vertel het: Vir ons etiese gedrag het ons 94 uit ’n totaal van 100 gekry, wat ’n matige risiko aandui.
Wat ons etiekkultuur by die universiteit betref, is die resultate minder gunstig – ons het slegs 38 uit 100 gekry, wat aandui dat ons etiekkultuur onderontwikkel is. (Die enigste uitsondering is die verbintenis tot etiek van ons werknemers op niebestuursvlak, wat toon dat ons etiekkultuur in hierdie verband in ’n ontwikkelende fase is.)
Maar waarom is ons kultuurtelling slegter as ons gedragtelling? Wel, dit wil voorkom of daar ’n gaping is tussen die waarneming van onetiese gedrag aan die een kant, en gevoelens oor die universiteit se onuitgesproke waardes aan die ander kant.
Julle het byvoorbeeld aangedui dat julle nie baie gevalle van onetiese gedrag waargeneem het nie, wat impliseer dat reëls en prosedures gewoonlik nagevolg word.
Terselfdertyd voel julle nie dat die onuitgesproke waardes, veronderstellings en oortuigings altyd etiese gedrag by die universiteit ondersteun nie.
Hoe die resultate gekommunikeer is
Die universiteitsbestuurskomitee en die maatskaplike en etiekkomitee van die Raad het terugvoer ontvang, en die uitkoms is ook op 17 Maart 2021 by die Raad se werkswinkel bespreek.
Dit is op 20 Mei deur ’n aanlyn inligtingsessie vir personeel en studente opgevolg.
Wat gebeur nou?
Dit is duidelik uit die resultate dat daar werk voorlê: ons moet ons moue oprol en ’n volwasse etiekkultuur opbou.
Die eerste stap is om ’n etiekstrategie en bestuursplan te ontwerp wat ons in staat sal stel om etiek aktief te bestuur en bekommernisse te hanteer. Die Maatskaplike, Etiek- en Risikokomitee sal na die implementering van hierdie strategie omsien.
Intervensies sal dan ontwerp word om die etiekkultuur te verbeter. Dit sal nie net ’n nakomingsoefening wees nie – ons is ernstig oor etiek en wil julle almal saam met ons op hierdie reis neem.
Is hierdie bevindings regtig verteenwoordigend?
Hierdie bevindings is inderdaad verteenwoordigend, aangesien 2 341 werknemers die opname ingevul het.
Dit beteken dat een uit elke twee kollegas die opname ingevul het, wat ’n uitstekende responskoers is. Daarbenewens was daar ook fokusgroepe en onderhoude met studenteverteenwoordigers, asook van die bestuur regoor al die NWU-kampusse.
Dankie dat julle jul stemme laat hoor het!
(Klik op elke sirkel om meer te lees.)
Voordat ons na die resultate van die opname kyk, kom ons verfris weer julle geheue oor die opname wat julle ingevul het. Dit het op twee sake gefokus: etiese gedrag en ’n etiekkultuur by die NWU. Klik op die blokkies hieronder om uit te vind wat die verskil tussen etiese gedrag en ’n etiekkultuur is.
ETIESE GEDRAG
Etiese gedrag verwys na die aantal keer wat werknemers elke dag onetiese gedrag in ons organisasie waarneem. Indien die tellings hoog is, beteken dit personeellede neem nie baie onetiese gedrag waar nie, terwyl lae tellings aandui dat daar baie meer onetiese gedrag plaasvind.
ETIEKKULTUUR
Etiekkultuur verwys na daardie elemente in ’n organisasie se waardes, veronderstellings en oortuigings wat etiese gedrag ondersteun of nie ondersteun nie. Hoë tellings dui ’n groeiende etiekkultuur aan, terwyl ’n laer tellings ’n brose of onderontwikkelde etiekkultuur aandui.