1. Is dit moontlik om verlof te neem as ’n mens die veranderde werksomgewing en die nuwe skedule vir die akademiese jaar in ag neem?

Ek twyfel werklik.  Ek het ’n algehele ongerustheid om op die pad te wees, en die afgelope paar maande se gebeure het veroorsaak dat ek liewer by die huis wil bly.

2. Watter alternatiewe planne het jy gemaak om hierdie jaar met vakansie te gaan?

Geen planne nie.  Ek is met studieverlof en met ’n gebrek aan formele werksure, sukkel ek om te fokus.  Ek gaan al die tyd tot my beskikking nodig hê om te studeer.  Ek sal vir myself ’n beloning gee as ek klaar is, mits ek die bestemming kan vertrou!

1. Is dit moontlik om verlof te neem as ’n mens die veranderde werksomgewing en die nuwe skedule vir die akademiese jaar in ag neem?

Om eerlik te wees, ek het nog geen verlof geneem vandat hierdie inperking begin het nie. Ek het uiteindelik – ten spyte van al die uitdagings – aangepas om van die huis af te werk.

2. Watter alternatiewe planne het jy gemaak om hierdie jaar met vakansie te gaan?

My vakansieplanne is tans op ys. Met alles wat gebeur het, is ek selfs te bang om vir ’n vakansie te beplan. Dit is vir my baie hartseer. Gewoonlik weet ek teen hierdie tyd waarheen ek gaan reis sodra die universiteit vir die Desembervakansie sluit.

1. Is dit moontlik om verlof te neem as ’n mens die veranderde werksomgewing en die nuwe skedule vir die akademiese jaar in ag neem?

Om verlof te neem is nie net moontlik nie, maar dit is ook in hierdie tyd noodsaaklik. ’n Mens moet ’n bietjie terugstaan van jou werk af om jou kop skoon te kry. Die uitdaging wanneer jy in hierdie tyd met verlof is, is om ’n afstand te kry van jou werkverwante e-posse en WhatsApp-boodskappe.

2. Watter alternatiewe planne het jy gemaak om hierdie jaar met vakansie te gaan?

Ek wil graag in die natuur kom; bergfiets ry, daguitstappies weg van die stad onderneem, voetslaanroetes aanpak, doen-dit-self-projekte onderneem, wegkom van tegnologie af – ’n tegnologie-vakansie.

1. Is dit moontlik om verlof te neem as ’n mens die veranderde werksomgewing en die nuwe skedule vir die akademiese jaar in ag neem?

Ons het nog nie enige definitiewe vakansieplanne vir hierdie jaar nie en ons gaan nader aan die einde van 2020 sien hoe die situasie rondom die pandemie ontwikkel. Ons gaan egter van die tyd gebruik maak om van ’n paar besige maande (wat vir ons almal waarskynlik soos jare gevoel het) weg te breek.

2. Watter alternatiewe planne het jy gemaak om hierdie jaar met vakansie te gaan?

Ons besoek gewoonlik ons familie in die Oos- en Wes-Kaap tydens die Desembervakansie. As hierdie langafstandreise hierdie jaar nie moontlik is nie, sal ons vakansie-aktiwiteite waarskynlik tuinmaak insluit, om die lysie van “dinge wat in en om die huis gedoen moet word” korter te maak, asook ’n paar toeriste-aktiwiteite in Noordwes.

Selfs as ons dalk nie vir die vakansie kan reis nie, gaan ons dus steeds die tyd gebruik om ons energie te hernu vir al die uitdagings wat vir ons in 2021 inwag, en om terug te kyk op ’n jaar wat oud en jonk sal onthou en waaroor ons vir dekades vorentoe nog stories sal vertel.

1. Is dit moontlik om verlof te neem as ’n mens die veranderde werksomgewing en die nuwe skedule vir die akademiese jaar in ag neem?

Ek neem gewoonlik my verlof aan die einde van November tot Januarie, waartydens ons gewoonlik ons vakansie in Kaapstad deurbring.

Ek is nie seker of dit hierdie jaar moontlik gaan wees nie, aangesien my seun wat in matriek is eers op 15 Desember sy skooljaar sal voltooi. Ek moet ook op die kampus bly so lank as wat hier studente is – dit kan dalk tot die middel van Desember wees.

2. Watter alternatiewe planne het jy gemaak om hierdie jaar met vakansie te gaan?

Ek dink ek sal lang naweke neem en eerder tuis bly, aangesien dit nie die moeite werd is vir ons om 3 000 km te ry vir ʼn vakansie van slegs twee weke nie. Ons het reeds ons lewens georganiseer sodat ons tydens naweke lang staptogte kan onderneem en bordspeletjies speel soos wat ons maak wanneer ons met vakansie is. Ons het ook besluit om saam na oulike flieks op Netflix te kyk.