BESKERMINGSDIENSTE
eish! het met direkteur Des Ayob gepraat oor hoe die departement mense en eiendom beskerm.
Beskermingsdienste het 106 werknemers regoor die drie kampusse, en het drie hooffunksies: taktiese reaksie en ondersoeke, verkeerswetgewing en bestuur, en sekuriteitsdienste.
Dag en nag beskikbaar
Volgens Des is een van die belangrikste dienste wat die departement verskaf toegang tot en vanaf die kampusse vir alle studente en personeel. “Toegangspunte is die universiteit se eerste verdedigingslinie en ons beskou hierdie funksie in ’n baie ernstige lig.”
Hy voeg by dat die departement ’n 24-uur-beheerkamer het wat studente en personeel in die geval van ’n misdaadverwante of mediese noodgeval kan kontak.
Eerste in ’n noodgeval
Die departement het ’n taktiese reaksiespan wat op alle misdaadverwante en mediese sake op die drie kampusse reageer. Die reaksiespan is die eerste respondente op die toneel, selfs voordat die Suid-Afrikaanse Polisiediens of mediese hulp uitgeroep word.
Beskermingsdienste het ook persone wat misdaadintelligensie inwin oor wie, wat, waarom, waar, wanneer en hoe misdaad plaasvind. Hierdie inligting word dan gebruik om lede op ’n proaktiewe manier uit te stuur na geïdentifiseerde plekke waar misdaad plaasvind.
Dissiplinêre sake van studente en personeel word ook onder hierdie funksie ondersoek. “Beskermingsdienste tree op as ’n uitvoerende funksie wat die wet toepas – dit is nie ’n regterlike funksie nie. Ons samel net al die bewyse in,” sê Des. Hierdie bewyse word na die studente-regskantoor of werknemerverhoudinge deurgestuur, soos vereis word.
Verkeerswetgewing en -bestuur
Die departement pas al die verkeerswette op die kampusse toe en verseker dat dit nagekom word. Personeel kan ook vir Beskermingsdienste vra om parkeerplekke vir besoekers van buite te reserveer.
“Ons bied ook slotmakerdienste aan studente en personeel wat hulle uit hul kantore uitgesluit het, asook basiese hulp met motorprobleme,” sê Des.
Gereed om te dien
Verskeie senior personeellede rapporteer direk aan Des. Hulle is die afdelingshoofde Jak Jansen van Vuuren, Giel Senekal en Boitumelo Mosikare, wat almal in Potchefstroom gebaseer is, en die senior bestuurders Joseph Ntlati en Aubrey Welken, wat onderskeidelik in Vanderbijlpark en Mahikeng is.
Wanneer jy jou volgende keer in ’n noodsituasie bevind, skakel die volgende nommers:
Des Ayob
Direkteur: Beskermingsdienste
MAHIKENG
Misdaad- en sekuriteitsverwante noodtoestande
Gebou A1
Kontaknommers:
018 389 2277
018 389 2167
POTCHEFSTROOM
24-uur-beheerkamer
Gebou F17
Kontaknommers:
018 299 2211
018 299 2215
018 299 1110
VANDERBIJLPARK
24-uur-beheerkamer
Misdaad- en sekuriteitsverwante noodtoestande
Gebou 1
Kontaknommers:
016 910 3339
Jak Jansen van Vuuren
Afdelingshoof:
Misdaadinligting, Ondersoeke, Opleiding, Spesiale gebeurtenisse, Taktiese reaksiedienste
Giel Senekal
Afdelingshoof:
Verkeer
Boitumelo Mosikare
Afdelingshoof:
Sekuriteit
Aubrey Welken
Senior Bestuurder: Mahikeng
Joseph Ntlati
Senior Bestuurder: Vanderbijlpark
Beskermingsdienste
ROL AF
Of hulle personeel en studente help wat hulle sleutels in hul motors of kantore toegesluit het, of die eerstes is wat reageer wanneer daar ’n misdaad of ongeluk is, Beskermingsdienste is trots daarop dat hulle proaktief en doeltreffend is.
ROL AF
hou kampusse veilig