krui die lewe
Daar is ’n spreekwoord wat sê dat afwisseling die lewe krui of skop aan die lewe gee, maar diversiteit maak beslis ook die lewe baie interessanter. Die NWU het onlangs hierdie wonderlike diversiteit by drie verskillende geleenthede gevier.
Eers het die NWU-personeel op Loslitdag op 1 September hulself in kleurvolle uitrustings uitgedos onder die banier “Vier diversiteit saam met mense met gestremdhede”. Toe, op 24 September se Erfenisdag, het almal hul tradisionele drag afgestof.
Moontlik die beste voorbeeld van hoe diversiteit ’n bietjie skop aan die lewe kan gee, was die kampus in Vanderbijlpark se jaarlikse Kultuurfees op 12 Oktober met die 2017-tema: “Die beste van my kultuur”.
Spesifieke kulture is aan koshuise toegeken en deelnemers moes daardie bepaalde kultuur se waardes, tradisies en lewenswyse demonstreer. Die dag se program het ingesluit dat studente aan ’n reeks kategorieë deelneem, waaronder teaterproduksies en drama, gedigte, danse, ’n kulturele modeparade en ’n kulturele kookkunsaanbieding.
Die direktoraat Studentelewe het die fees saam met die Kuns en Kultuur-portefeulje van die Studentekampuskomitee georganiseer. Lethiwe Kubheka, organiseerder van die geleentheid, sê die doel van die geleentheid is om ’n gevoel van samehorigheid binne die kampusgemeenskap te skep en om inligting oor die verskillende kulture op die kampus te deel.
Die biblioteekpersoneel op die kampus in Vanderbijlpark geniet hulself op Loslitdag. Agter van links is Yvonne Engelbrecht, Louise Harmse en Moruanyi Moatswi. In die tweede ry is Glenda Makate, Thoko Tswaile en Paulinah Moroke. Voor is Daniel Monyamane, Tiny Moripa, Thandi Motsoari en Siyabonga Sithole.
Personeellede van Mense en Kultuur in Potchefstroom vier Erfenisdag met oorgawe. Agter van links is Elroy Gelant, Karabelo Motsepe, Alta Fourie, Karen Coertzen, Remonia Kenny, Evalancia Jones, Tumi Tshaka, Lerato Thekiso, Leah Lakay, Dennise van Wyk, Janine Da Gama, Samuel Mmutle, Cornel Visagie en Nadia Botha. In die middelste ry is Rouzenne Slambert, Chrisilla Pretorius, Anne-Marie Cilliers, Lionel Eksteen, Refiloe Sebidi, Sophia Majavu, Yvonne Koloti en Lebo Mmutloane. Voor is Florrie Makaku, Portia Mosiane en Khoro Nematatani.
’n Kultuur-kookkunsaanbieding was een van die kategorieë waarin studente tydens die Kultuurdagviering op die kampus in Vanderbijlpark meegeding het.
Personeellede van Hoërgrade Administrasie op die kampus in Potchefstroom vier diversiteit met hul kleurvolle uitrustings. Hulle is agter van links Ruth Kgabung, dr Bertus le Roux (Bestuurder: Hoërgrade Administrasie en Seremonies), Jenniffer Pheleu en Lauren Delport. Voor is Thea Joubert, Cindy Viviers en Lisnet Louw.
<
>