Die brand is aanvanklik in die Wetenskapsentrum gestig en het dit totaal verwoes. Die uitgebrande BMW was ʼn skenking om ʼn eksperiment te demonstreer. Die Wetenskapsentrum was deel van die administrasiegebou.
Die gevolge van studenteonrus: Groot dele van die administrasiegebou op die Mafikengkampus is erg beskadig gedurende die studenteonluste in Februarie vanjaar.
Die gevolge van studenteonrus: Groot dele van die administrasiegebou op die Mafikengkampus is erg beskadig gedurende die studenteonluste in Februarie vanjaar.
Die NWU was een van die universiteite wat die hardste getref is deur die onlangse studenteoproer toe die administrasiegebou, koshuisouers se huis en kafeteria op die Mafikengkampus ernstig beskadig is.
Die span van Institusionele Fisiese Infrastruktuur en Beplanning het nou begin met die proses om die geboue te herstel wat in Oktober 2015 en Februarie 2016 beskadig is.
Die skade wat op 22 Oktober aan die studentekafeteria aangerig is, het R800 000 beloop. Dit is egter ʼn druppel in die emmer in vergelyking met die ongeveer R85 miljoen wat dit gaan kos om die geboue wat in Februarie vanjaar aan die brand gesteek is, te herstel.
KLIK OM MEER TE LEES
Die toestand van die gebou X
Die administrasiegebou is gelukkig nie heeltemal vernietig nie. Dele daarvan word steeds gebruik en alle personeel het reeds teruggekeer werk toe.
Joep Joubert, hoofdirekteur vir fisiese infrastruktuur en beplanning, sê die versekeringseise is tans in die goedkeuringsproses en al die beskadigde gedeeltes van die geboue sal óf herstel óf herbou word.
Eers die einde van die jaar X
BEWEEG AF
Volgens Joep sal die herstelwerk nog tot ongeveer die einde van die jaar voortduur as gevolg van al die prosesse en goedkeurings wat nog gefinaliseer moet word. “Die finale afhandelingsdatum sal eers aangekondig word wanneer die versekeringseise goedgekeur is.”
Hy sê die NWU het intussen goedkeuring gevra om voort te gaan met fase een van die bouprojek. Hierdie fase behels herstelwerk aan gedeeltes van die gebou met slegs geringe strukturele skade. Dit sluit ook die afbreek en sloping in van beskadigde strukturele elemente in ander dele van die gebou.
Joep sê hulle hoop om die finale fase van die projek – die herbou van gedeeltes wat nie gered kon word nie – teen die einde van die jaar te voltooi.
Ná die onrus X
Die kampus was ná die studenteonrus vir ʼn maand gesluit en het weer op 29 Maart heropen. Lesings gaan nou normaal voort en spesiale reëlings is getref om die verlore tyd in te haal.