LEGORO LA DISAENSE TSA TLHAGO
Sekolo sa Disaense Tsa Tikologo le Tlhabololoniki le Jwa Khomphiutha
Ditlhopha Tsa Serutwa: Boithuta Ditshedinyana
Dikgang
Go nna le seabe ga YBB mo kgaisanong ya SAB e e kopanetsweng ke diyunibesiti ya go Titiela Selekanyo se Sennye sa Bojalwa
Durban, Pietermaritzburg: Baithuti ba le batlhano ba Onase ba Lefapha la Boithuta-ditshedi tse dinnye ba nnile le tshiamelo ya go emela Yunibesiti ya Bokone-Bophirima (YBB) kwa kgaisanong ya ntlha ya Bosetšhaba ya 2008 e e kopanetsweng ke diyunibesiti ya go Titiela Selekanyo se Sennye sa Bojalwa. Kgaisano eno e ne e le ya ntlha go tshwarwa e boiakelelo-bogolo jwa yone e neng e le go naya Aforika Borwa tshono ya go nna le bokgoni jwa go titiela le go iponela ditshono tsa dibasari. E ne e tshwerwe ke SAB e dirisana mmogo le FoodBev SETA le IBD (International Brewery & Distillery) mme e ne e le tshono e e molemo tota e ditlamo tseo di ileng tsa nna le yone ya go nna le talenta ya go titiela le go godisa talenta eo ga baithuti ba ba tlhagafetseng ba ba kgatlhegelang mokgele wa tiro wa go titiela. YBB e ne ya gaisana le Yunibesiti ya Pretoria (Tuks), Witwatersrand (Wits), Cape Town (UCT), Stellenbosch (Maties) le UKZN (Khamphase ya Pietermaritzburg & Westville) malebana le boleng jwa biri, go e tsenya dileibole le tsela ya go e baya mo e tla kgonang go bonwa ke botlhe gone. Lager, Ale le biri e e Kgethegileng di ne tsa atlholwa ke balatswi ba ba nang le setifikeiti sa go latswa biri, mme dileibole tsone le go bewa ga yone mo e tla kgonang go bonwa ke botlhe gone di ne di atlholwa ke baemedi ba SAB le ba FoodBev SETA – baemedi ba Karolo ya Aforikaya IBD.
Go tloga kafa molemeng go ya mojeng: Andia van Niekerk, Abraham Mahlatsi le Simone Ferreira
Kwa morago go tloga ka fa molemeng go ya mojeng: Jerry Lourens le Danie Brink.
Yunibesiti ya Pretoria e ne ya tswa e gapile Ben Lamaletie – Sejana sa Bogaka sa IBD sa American Pale Ale. Tuks e e ya newa basari ya bokana ka R125 000 go tswa go FoodBev SETA – karolo ya Aforika ya IBD ya baithuti ba ba dirisang thuto ya bone mo dikgannyeng tsa go titiela biri lego e itshekisa mme R10 000 yone e ne ya kgaoganngwa ke maloko a setlhopha se se fentseng mme gape lefapha la yone la newa R10 000. Yunibesiti ya Bokone Bophirima e ne ya newa moputso wa madi a bokana ka R5 000 ka ntlha ya go bo ba gaisitse botlhe mo go tsenyeng dileibole. YBB ke yone fela e e neng e na le batsayakarolo ba ba neng ba titiela biri ya bone mme ba sa tsenyediwa motšhi wa go titiela mo yunibesiting. Boikaelelo-Bogolo jwa go nna le seabe ga batsaya-karolo ba YBB e ne e le le go gapa tlhokomelo ya SAB le FoodBev SETA – Karolo ya Aforika ya IBD gore e ba eme nokeng ka madi gore ba kgone go tsenya motšhini wa go titiela o o tla ba thusang go tsenela kgaisano gape. Mo ngwageng o o tlang YBB e rulganyetsa go busetsa Sejana seo mo Khamphaseng ya Potchefstroom ka motšhini wa go titiela selekanyo se sennye sa bojalwa
WERNICKEN (‘Liquid Enlightenment’) Real Ale
e e titietsweng ke baithuti ba Boithuta-Ditshedi Tse Dinnye ba Yunibesiti ya Bokone Bophirima