NWU se Ndumiso is Mzansi se nuutste One Day Leader

Lees meer

NWU en SAS-instituut span kragte saam

Die Sentrum vir Bedryfswiskunde en Informatika (BWI), een van die Noordwes-Universiteit (NWU) se voorste brugbouers tussen die akademie en die industrie, het ʼn nuwe meestersgraad in Bedryfsanalise van stapel gestuur.

Die nuwe graad loop parallel met die huidige program in Kwantitatiewe Risikobestuur (QRM), waarvan die alumni nog altyd hoë aansien in die finansiële sektor geniet.

Die doel van die Bedryfsanalise-graad is om professionele analiste af te lewer wat waarde kan toevoeg in die huidige “Big Data”-omgewing waar markspelers só baie data opgaar dat tradisionele analitiese metodes nie meer prakties of geskik is nie.

Interdik toegestaan aan die Noordwes-Universiteit (NWU)

Institusionele Kantoor – Op 9 Mei 2013 het die Noord-Gautengse Hooggeregshof in Pretoria ʼn tussentydse interdik toegestaan aan die Noordwes-Universiteit wat die Hoëronderwys-transformasienetwerk (HETN) verbied om die universiteit verder te belaster.

Die interdik beveel die HETN en sy direkteurs om onmiddellik op te hou met die publisering van enige verdere lasterlike verklarings oor die universiteit op enige platvorm. Hulle is ook beveel om ʼn lasterlike plasing van alle sosialemediaplatforms te verwyder waarin die universiteit uitgekryt word as “rassiste, Nazi’s en kriminele” – insluitende HETN se eie webwerf, Facebook, Twitter en Dropbox.

Noordwes-Universiteit (NWU) stig Leierskaps- en Bestuursakademie

Institusionele Kantoor – Op 6 Mei 2013 was ’n groep uitgesoekte gaste die getuies van diebekendstelling van die nuwe NWU Leierskaps- en Bestuursakademie in Sandton. Die Akademie het tot stand gekom deur ’n vennootskap te sluit met thinking fusion Consulting (Edms) Bpk, ’n leierskapsontwikkelingsmaatskappy wat oor die afgelope vyf jaar meer as 1 500 leiers regoor Suid-Afrika opgelei het.

NWU se Elroy Gelant hardloop dat die stof so staan

Mnr Elroy Gelant, ‘n kliëntediens-assistent by Mensekapitaal in die Institusionele Kantoor van die Noordwes-Universiteit (NWU), het die afgelope naweek die vinnigste 10 000 m en 5 000 m-tyd in baie jare in Suid-Afrika gehardloop.

Elroy, wat tans vir die Traumeel NWU-Pukke-span hardloop, het goud vir beide items tydens die Universiteitesport Suid-Afrika- (USSA-) atletiekbyeenkoms in Durban gewen.

Hy het die 10 000 m in ‘n tyd van 27:41,30 kafgedraf – slegs 1,30 sekondes onder die kwalifiserende vereiste vir die Wêreldkampioenskappe.  Wat hierdie prestasie nog meer besonders maak, is die feit dat dit maar die derde 10 000 m tot op hede was waaraan hy deelgeneem het.

Max du Preez word buitengewone professor by NWU

Mnr Max du Preez, gesoute joernalis, skrywer en politieke kommentator is pas as buitengewone professor by die Skool vir Kommunikasiestudies op die Potchefstroomkampus van die Noordwes-Universiteit (NWU) aangestel.

NWU bemagtig gegradueerdes

In ’n poging om sy studente vir die korporatiewe wêreld voor te berei, het die Noordwes-Universiteit (NWU) onlangs deur middel van die NWU-loopbaansentrum lid van die Suid-Afrikaanse gegradueerdes se ontwikkelingsvereniging (South African Graduates Development Association, SAGDA) geword.

Die Loopbaansentrum het betekenis aan hierdie nuutgevonde vennootskap gegee deur in samewerking met SAGDA die eerste van ’n reeks bemagtigingseminare vir gegradueerdes te organiseer. Dit het op 12 April 2013 op die Vaaldriehoekkampus plaasgevind.

Religie speel ’n rol by die NWU

Religie speel ’n belangrike rol in wetenskapsbeoefening en het beslis ’n plek by moderne navorsingsuniversiteite, insluitende die NWU.

Dit was die boodskap wat dr Theuns Eloff, die visekanselier van die Noordwes-Universiteit (NWU), op 5 April 2013 tydens ’n konferensie by die Universiteit van Cambridge in die Verenigde Koninkryk oorgedra het.

Cambridge se Skool vir Teologie (School of Divinity) het die konferensie, met die tema Religion and the idea of a university, aangebied.

Dr Eloff het die Vereniging vir Statebondsuniversiteite (ACU) tydens die geleentheid as spreker uit Afrika verteenwoordig. Behalwe die enigste spreker uit Afrika, was hy ook die enigste persoon wat vanuit ’n reformatoriese oogpunt gepraat het.

Noordwes-Universiteit (NWU) se reaksie op ongegronde aantygings

Institusionele Kantoor – Die Noordwes-Universiteit maak ernstig beswaar teen ongegronde aantygings wat op verskeie platforms deur sekere individue en organisasies teen die universiteit gemaak word.

Die jongste hiervan hou verband met die student wat as voorsitter van die Institusionele Verteenwoordigende Studenteraad voorlopig geskors is hangende die afhandeling van ’n dissiplinêre verhoor. Die indruk word geskep dat hy as student van die NWU, asook as voorsitter van die Studenteraad op die Mafikengkampus geskors is, wat nie die geval is nie.

Dit is betreurenswaardig dat dié individue en organisasies die tragiese dood van Thabang Makhoang uitbuit om die aandag af te lei van werklike sake tussen hulle en die NWU, of om dit vir politieke gewin aan te wend.

Dissiplinêre maatreëls: Lid van die Institusionele Verteenwoordigende Studenteraad (IVSR) – Noordwes-Universiteit (NWU)

Institusionele Kantoor – In opvolg van die afhandeling van die ondersoek na die beweerde wangedrag van die voorsitter van die IVSR van die NWU, is ’n besluit geneem dat die student ter sprake dissiplinêr verhoor sal word vir die beweerde oortreding van ’n artikel van die universiteit se Statuut.

Die student sal verhoor word omdat sy gedrag skadelik was, of skadelik kon gewees het, vir die goeie naam, orde, dissipline of uitvoering van die werk van die universiteit of enige deel van die universiteit.  Dit hou verband met die feit dat hy na bewering sonder ’n mandaat en op ’n ongemagtigde wyse namens die IVSR en in stryd met die NWU-mediabeleid wat deur die Raad goedgekeur is, opgetree het.

Bulletjierugby is ‘n onding

Die Suid-Afrikaanse Rugbyunie móét sorg dat bulletjierugby by alle skole verban word. Dit is die mening van prof Cilas Wilders, ‘n biokinetikus aan die Noordwes-Universiteit (NWU) se Potchefstroomkampus.

Die gewildheid van bulletjierugby op voor- en laerskoolskoolvlak het die afgelope paar jaar baie toegeneem, maar sê hy, dié vorm van blootstelling aan sport op so ‘n jong ouderdom kan ‘n kind vir die res van sy lewe emosioneel knak.

NWU-Potchefstroomkampus lewer sy eerste vroueregter op

Die Fakulteit Regte van die Noordwes-Universiteit (NWU) se Potchefstroomkampus het Donderdag 11 April sy eerste vroueregter opgelewer toe me Leonie Windell deur die Regterlike Dienskommissie as regter vir die hooggeregshof in hetsy Pretoria of Johannesburg benoem is.

Leonie, ‘n boorling van Lady Frere in die Oos-Kaap en matrikulant van Hoërskool Witteberg in Bethlehem, het in 1988 haar BJuris-graad by die destydse Potchefstroomse Universiteit vir Christelike Hoër Onderwys (PU vir CHO) voltooi.

Sy het haar loopbaan in 1989 as staatsaanklaer begin, is in 1993 as landdros in Secunda aangestel en het vir 18 jaar as landdros in Potchefstroom gedien voordat sy in 2011 as regter begin waarneem het.

“Dit het nog glad nie ingesink nie! Ek voel nederig, en dit is vir my ‘n baie groot eer,” sê sy.

NWU se reaksie op minister en Valke se nuwe ondersoek oor 2012 verdrinking

Die afsterwe van Thabang Makhoang was vir die Raad van die Noordwes-Universiteit, sowel as die hele universiteitsgemeenskap, 'n tragedie. Elke jong lewe wat verlore gaan beteken een minder bousteen vir ons land en sy toekoms.

Met Thabang se afsterwe in 2012 het die minister van Hoër Onderwys en Opleiding, dr Blade Nzimande, aangedui dat hy 'n ondersoek wil loods, waarvoor die universiteit sy volle samewerking belowe het. Verder het die universiteit ook sy volle samewerking met die polisie se ondersoek gegee.

NWU bemagtig vroulike entrepreneurs

Die Ondernemingsontwikkelingsentrum (OOS) op die Vaaldriehoekkampus van die Noordwes-Universiteit het onlangs sy Ondernemende Vroue-program van stapel gestuur om vroulike entrepreneurs te help om hul doelwitte te bereik en hul sakedrome te verwesenlik.

Die OOS is daartoe verbind om vroulike entrepreneurs van die vaardighede te voorsien om hul besighede uit te brei, maar ook om as platform te dien waarvandaan hierdie besighede kan dien as langtermynboustene vir ekonomiese volhoubaarheid.

NWU doen baanbrekerswerk vir moedertaalonderrig

Agt studente van die Royal Bafokeng wat in die Grondslagfase-onderwys in hulle moedertaal, Setswana, onderrig is, het pas hul BEd-grade by die Noordwes-Universiteit (NWU) se Potchefstroomkampus ontvang.

Die NWU en die Royal Bafokeng het hierdie inisiatief saam onderneem omdat daar ‘n geweldige tekort aan Afrikatale in die grondslagfase-onderwys bestaan, sê prof Barry Richter, direkteur van die Skool vir Natuurwetenskappe en Tegnologie vir Onderwys.

Slegs 12 van die 23 universiteite in Suid-Afrika bied ‘n grondslagfase-kwalifikasie aan en die Fakulteit Opvoedingswetenskappe aan die NWU het dit ‘n stap verder geneem deur die graad boonop in ‘n Afrikataal aan te bied.

NWU-boek om boere en spekulante in die graanbedryf te help, ‘n eerste in SA

‘n Boek om boere in Suid-Afrika en spekulante in die graanbedryf oor die kort en lank van termynmarkte in te lig, is ‘n eerste in Suid-Afrika.

Die boek – Kort en Lank van Termynmarkte: SAFEX, Graanverskansing, Spekulasie – is geskryf deur dr Mariëtte Geyser van die Navorsingseenheid vir Omgewingswetenskappe en -bestuur op die Potchefstroomkampus van die Noordwes-Universiteit (NWU).

Dr Geyser het die behoefte in die mark vir so ‘n boek raakgesien en dit met die hulp van die NWU gepubliseer.

Prof Herman van Schalkwyk, kampusrektor, sê hy is trots op dié publikasie wat goed in die landboubedryf gebruik kan word. “Hoewel die Potchefstroomkampus nie landbou as graadkursus aanbied nie, word baie navorsing hier gedoen om die leemtes in landbou in die gebied aan te vul.”

NWU betrokke by nuwe-generasie lugvaartuie

Ingenieurstudente aan die Noordwes-Universiteit (NWU) se Potchefstroomkampus het besluit om ‘n hoogs-gespesialiseerde bul by die horings te pak en is nou deel van ‘n unieke navorsingspan wat ‘n nuwe-generasie helikopter en vliegtuig in samewerking met Denel Aviation ontwikkel.

Denel het verskeie universiteite, waaronder die NWU, Nelson Mandela Metropolitaanse Universiteit en die Universiteit van Pretoria genader om deel te wees van navorsing en ontwikkeling van hul projek.

NWU-SJGD skenk R1,4 miljoen aan liefdadigheid

Die Studente Jool Gemeenskapdiens (SJGD) op die Potchefstroomkampus van die Noordwes-Universiteit (NWU) het die jaar met hernude verbintenis tot sowat 92 projekte in die Potchefstroom-omgewing afgeskop. SJGD het boonop weer vanjaar sowat R1,4-miljoen aan projekte en individue geskenk, wat tydens JOOL ingesamel is.
“Dit is wonderlik om so ‘n bedrag aan die gemeenskap te kan uitbetaal. Deur die jaar word daar klein bedrae ingesamel en om dan die eindtotaal te sien is ongelooflik,” sê Juaan Taute, Studenteraadslid: SJGD.

NWU-Pukke verwoes Wits

Maandagaand in Johannesburg, na sowat 20 minute se spel, het ‘n ondenkbare uitslag ondersteuners van die NWU-Puk in die gesig gestaar toe ‘n begeesterde Wits ‘n onverwagse voorsprong van 23-13 teen die Noordwesters in hul Varsitybeker-kragmeting opgestapel het.

Maar, aangevuur deur ‘n witwarm Hoffman Maritz, het die NWU-Puk met ‘n skouspelagtige terugvegpoging vorendag gekom en die tuisspan 71-25 die loef afgesteek.

Twee vroue as NWU-dekane aangestel

Prof Susan Visser en Prof Nicola Smit is onlangs as dekane op die Potchefstroomkampus van die Noordwes-Universiteit aangestel. Prof Visser is aangestel as dekaan van die Fakulteit Ekonomiese en Bestuurswetenskappe en prof Smit as dekaan van Regte.

Nuweling fokus op dienslewering

Me Christa North, pas aangestelde Uitvoerende Adviseur: Beplanning en Spesiale Projekte in die kantoor van die Adjunk-visekanselier: Onderrig-Leer by die Institusionele Kantoor van die Noordwes-Universiteit, is ’n vrou van vele talente.

Met hoofsaaklik die Universiteit van Pretoria as haar alma mater, sluit haar verskeidenheid kwalifikasies in twee BA-grade, ’n Hoëronderwysdiploma (Unisa), honneurs in Inligtingkunde en ’n meestersgraad in Uitgewerswese.

Ook haar loopbaan getuig van veelsydigheid. Sy was lank in die uitgewersbedryf, het by die Universiteit van Pretoria (UP) klasgegee, en was as akkreditasiebestuurder betrokke by die maatskappy bekend as Voortgesette Onderrig by UP (CE at UP).

NWU-lektor se eerste boek ondersoek bekende se digkuns

Prof Etienne Terblanche, van die Skool vir Tale aan die Noordwes-Universiteit (NWU) se Potchefstroomkampus het pas sy eerste boek, E E Cummings: Poetry and Ecology, bekendgestel.

Dié boek gee ‘n dieper kykie na die doen- en denkwyse van die bekende Amerikaanse digter, E E Cummings.

Prof Terblanche is ‘n lektor in Engelse poësie en wy ook al sy navorsing hieraan. Hy spesialiseer in die besturdering van onder andere E E Cummings, T S Eliot en moderne poësie. Hy het so 'n groot bewondering vir Cummings dat hy in 2003 sy PhD met die stet: E E Cummings: The Ecology of his Poetry in 2003 verwerf het.

Soccer Institute signs Westvaal - Volkswagen as official car sponsor

On Friday, 02 November the Soccer Institute of the North-West University’s Mafikeng Campus signed a deal with Westvaal – Volkswagen (VW) as official Soccer Institute’s car sponsor.

This is the long term sponsorship by Westvaal as they are partnering with the NWU – Soccer Institute to assist the university to achieve its main objective of developing well rounded football players. Westvaal gave the Institute a Volkswagen branded car. Once the car has reached twenty thousand kilometers or a year has lapsed, another one will be provided by the company to make sure that the institute focus on its job without any transport problems.

NWU Sentrum van Uitnemendheid vir Voeding gaan impak op voedingsbeleide hê 

Die Sentrum van Uitnemendheid vir Voeding (CEN) op die Potchefstroomkampus van die Noordwes-Universiteit (NWU) het onlangs ’n projek van R1 500 000 van die Verenigde Nasies se Kinderfonds (UNICEF) ontvang.

Hierdie projek sal ’n opname van nakoming van die Wêreldgesondheidsorganisasie se kode vir die bemarking van borsmelkplaasvervangers in vier provinsies (Noordwes, Gauteng, Vrystaat, Oos-Kaap) behels, en ook apteke, kleinhandelaars, produketikette, radio, TV, koerante en tydskrifte moniteer.

UNICEF werk uitsluitlik vir regerings om hulle beleide te ondersteun, en hierdie werk het ’n onmiddellike en direkte impak op die jongste konsepregulasies en voedingsbeleid.