Boto ya maduo a Tshwaragano ya diyunibesithi tse pedi

Dipoelo

1. R13m go ntšhwafatsa bokgoni jwa Tlhaeletsano ka Thekenoloji mo NWU & R14m ya dikago kwa Khampaseng ya Vaal Triangle (KVT) go tswa go ba Lefapha la Thuto (Department of Education-(DoE).
2. Dihosetele tsa baithuti kwa KVT & le boloko jwa difolete tsa baithuti jo bo tshwanelwang ke go agiwa kwa Khampaseng ya Mafikeng.
3. Dipoelo tsa dipatlisiso tsa dikhampase tsotlhe di le tharo di tokafetse mo ngwageng wa 2003.
4. R16,422m mo dingwageng di le 3 go tswa go ba DoE mo diporokeramong tsa motheo (foundation programmes) kwa Khampaseng ya Mafikeng.
5. Lenaane la ka bontsi le le tswelelang la tlhokomelo ya dikago tse di mo Khampaseng ya Mafikeng mo dingwageng di le mmalwa tse di tlang ka R48 milione e e leng mo tekayetsokabong ya UNW.
6. Khampase ya Potchefstroom (2003) e amogetse kabo ya bobedi gareng ga diyunibesithi tsa Aforika Borwa ka ntlha ya tsamaiso e e duleng diatla e e abilweng ke ba PricewaterhouseCoopers.
7. Tekanyetsokabo ya 2005 ya Yunibesithi e amogetswe ke komiti ya katoloso e e kwa ntle mme ya e atlenegisetsa Khansele.
8. Botsamaisi jwa Setheo bo weditse kabo ya baithuti ba ngwaga wa ntlha (1st-year students) go dikhampase tse di farologaneng go setswe morago pholesi ya tekanyetso ya palo ya baithuti e e  itsesitsweng ke ba DoE
9. Botsamaisi le diyunione tsa NWU bo saenne tumalano le diyunione gammogo le melao ya setheo ya tiro.
10. Legato le le latelang la botsamaisi bogolwane le thapilwe ka katlego.
11. Diltapele tsa ditogamaano tse di latelang di ne tsa tsenngwa mo ditumalanong tsa tiro ya Botsamaisi jwa Setheo mo ngwageng wa 2005:
12. • Go wetsa kopano ya tshwaragano ya diyunibesithi tse pedi tse di kopantsweng;
    • Go ruta - le go ithuta  – go itebagantswe le tswelelopele bogolosegolo mo baithuting ba ngwaga wa ntlha;
    • Dipatlisiso – go itebagantswe le diathikele tse dintsi tse di phasaladitsweng le baithuti ba bantsi ba Masters le ba Bongaka;
    • Go diragatsa dikgono tsa rona tse di gaisang – go itebagantswe le motlha o o bidiwang moedi wa boraro wa lotseno, gareng ga tse dingwe e ka nna go gwebisana le ka dikhoso tse khutshwane, fela re ntse re tlhola tikologo e e ka kgontshang  maemo a tirelo setšhaba; le
    • Tlhabololo ya Badiri bogolosegolo ya tsamaiso ya ditiro.
      
13. Lefapha la Thuto le dumetse go aba R1,5 ya dimilione go ntšhwafatsa letshwaokgwebo la Yunibesithi e ntšhwa.
14. Botsamaisi jwa Setheo, gammogo le botsamaisi jwa dikhampase (go akaretsa le bodini) bo tsenetse katiso e e tseneletseng ya botsamaisi le tlhabololo ka Ferikgong 2005.  Mabaka a a neng a lebelelwa e ne e le a botsamaisi jwa matlotlo, botsamaisi jwa tsa Badiri, thulaganyo ya togamaano le botsamaisi jwa tsa go dira tiro. Magato a mangwe a botsamaisi (e bong bakaedi le ditlhogo tsa mafapha) ba tla tsaya karolo mo dikhosong tse di tshwanang go tloga ka Moranang go ya kwa pele.
15. NWU ga ya ke ya nna le dikhuduego tsa baithuti ka paka ya ikwadiso le ka Tlhakole 2005.
16. Tlhomo semmuso ya Mokanseleri le Motlatsa-Mokanseleri e ne e tshwerwe ka la 14 Moranang 2005. Dipholo tsa 2004 le tsona di ne tsa itsisewe. 
17. Morago ga thulaganyo e e anameng ya dipuisano, Botsamaisi Bogolwane bo sweditse jaanong ka ga pina e ntšhwa ya yunibesithi
18. Kokeletso ya go lepalepana le maemo a ditshenyegelo tsa botshelo ka kakaretso ya 6,0% go badiri botlhe go tloga ka la 1 Moranang 2005 e buisanetswe ka katlego le diyunione tse di farologaneng. Botsamaisi Bogolwane bo tla amogela 4,3% ya ditshenyegelo tsa botshelo ka kakaretso, e le yona e tla simolola ka 1 Moranang 2005.
19. Lefapha la Thuto le tla tlaleletsa R41,4  m e e setseng e abilwe, e le fa le rata jalo fa fela ba ka (amogela dikopo tse di maleba tsa tekanyetsokabo) go dira gore matlotlo a fitlhelelwe go thusa thulaganyo ya Tlhaeletsano ka Thekenoloji ya badiri le baithuti ka ( R23m).
20. Melao e amogetswe e bile e saennwe ke Tona ya Thuto
21. Khansele e amogetse lenane la maikaelelo le ponelopele, go akaretsa le thulaganyo boitshwaro
22. Pegelo ya ntlha ya ngwaga le ngwaga ya NWU e amogetswe ke Khansele, go akaretsa le pegelo e e runnweng mme e sa kanwa gammogo le dipholo tsa baithuti tsa ngwaga wa 2004
23. Go dirilwe kgatelopele e e tsepameng mabapi le tirokgolo ya rona. NWU e abetswe sejana sa go nna Yunibesithi e e kwa pele go gaisa ka tsa boitshimololedi mo ngwageng wa 2004.

Dikgwetlho

1. Go na le diphatlhatiro di le tharo tse di tshwanelwang ke go tladiwa. Tsona di akaretsa tse pedi tsa bodini kwa Khampaseng ya Mafikeng le e le nngwe ya Motlatsa-Moreketoro wa tsa Seakatemi kwa Khampaseng ya Potchefstroom.
2. Bokamoso jwa Mankwe bo tshwanelwa ke go konosetswa go tsewa dikgatlhegelo tsa mongwe le mongwe yo o nang le seabe mo go yona tsia.
3. Manno a diofisi a Botsamaisi jwa Setheo (Institutional Management - IM) a tshwanelwa ke go konosediwa.
4. Konosetso ya lenanethulaganyo la setheo, go akaretsa le lenane la tekatekano le kagosešwa.
5. Kgatelopele mo tsamaisanong ya diporokeramo tsa thuto.
6. Ditlhopho tsa Makgotla a Baithuti (SRC’s) a dikhampase tse di farologaneng le go tlhama Lekgotla le le ntšhwa la Baithuti la Setheo.
7. Kgatelopele ka tiragatso ya thulaganyo tse dintšhwa tse di ikaegileng ka neelano ya tshedimosetso le dikgakololo ka ga ditšhelete le ka ga Merero ya Badiri.
8. Tokafalo mo ntshetsontle ya dipholo mo lephateng la go ruta–le go ithuta gammogo le mo dipatlisisong.