Die Noordwes-Universiteit (NWU) beloon uitnemende navorsers

Institusionele Kantoor – Toewyding word beloon – dit was duidelik toe meer as vyftig NWU-personeellede erkenning ontvang het vir uitnemendheid in navorsing, innovasie, gemeenskapsbetrokkenheid en kreatiwiteit tydens ’n gala-geleentheid in Potchefstroom op Vrydag, 26 Oktober 2012.

Die gasspreker tydens die geleentheid, minister Derek Hanekom, die minister van Wetenskap en Tegnologie, het die NWU geluk gewens met die groot vordering wat die instelling die afgelope drie jaar gemaak het met die verhoging van sy navorsingsuitsette.

Die minister het ook sy tevredenheid te kenne gegee met die universiteit se getal navorsers wat deur die Nasionale Navorsingstigting gegradeer is en het beklemtoon dat die universiteit daarna moet streef om die poel van gegradeerde navorsers oor al die dissiplines uit te brei.

Uitkoms: Onafhanklike ondersoek na die verdrinking van Thabang Makhoang op die Potchefstroomkampus van die Noordwes-Universiteit

Institusionele Kantoor – Die verslag van die onafhanklike ondersoek deur advokate Lourens de Koning (SC) en Vusi Pikoli na die tragiese dood (op 21 Januarie 2012) van ʼn eerstejaarstudent aan die Potchefstroomkampus is gefinaliseer en voorgehou aan die Visekanselier, dr Theuns Eloff, op 15 Maart 2012. Op ʼn vergadering van die Raad se Uitvoerende Komitee op 20 Maart is besluit dat die verslag op ʼn spesiale Raadsvergadering op 30 Maart ter tafel gelê moet word.

Ná beraadslaging is die verslag sowel as die aanbevelings deur die Raad aanvaar. Die Raad het hul waardering uitgespreek vir die omvattendheid van die ondersoek en die daaruit voortspruitende verslag. Die opdrag van die komitee wat die onafhanklike ondersoek gedoen het, was as volg:

Persverklaring van Noordwes-Universiteit (NWU) se Raad insake die tragiese verdrinking van Thabang Makhoang

Institusionele Kantoor – Tydens ʼn buitengewone Raadsvergadering van die NWU wat op 8 Februarie 2012 by die Indaba Hotel in Johannesburg gehou is, het die Raad sy opregte meelewing betuig met die naasbestaandes van Thabang Makhoang.

Hulle het die voorval as ʼn tragiese ongeluk bestempel en benadruk dat die verdrinking plaasgevind het tydens ʼn sosiale gebeurtenis vir (slegs) eerstejaars en nie deel uitgemaak het van ʼn ontgroeningspraktyk nie. Die Raad het bevestig dat geen vorm van ontgroening of ontgroeningspraktyke op enige van die drie NWU-kampusse toegelaat word nie. Die NWU het ʼn duidelike beleid in hierdie verband, en alle studente en personeel is deeglik bewus daarvan. Indien enige wanpraktyke voorkom, kan die Bestuur reken op die Raad se ondersteuning sodat beslissend opgetree kan word teen oortreders.