SENTRUM VIR TEKSTEGNOLOGIE (CTexT®)

Nuusflits!

Prof. Daan Wissing (Senior Navorser en kenner op die gebied van die fonetiek en fonologie) en Wikus Pienaar van CTexT® het onlangs ʼn interaktiewe vokaalkaart vir Afrikaans ontwikkel...Lees meer.

Klik op die onderstaande skermskoot om die vokaalkaart te besigtig:

Belangrike skakels

Afrikaanse SkryfGoed 2011	Autshumato

Oor Ons

Die Sentrum vir Tekstegnologie (CTexT®) het op 1 Junie 2004 as ’n selfstandige eenheid sonder winsbejag van die Navorsingsfokusarea: Tale en Literatuur in die Suid-Afrikaanse Konteks in die Fakulteit Lettere en Wysbegeerte aan die Noordwes-Universiteit (Potchefstroomkampus) begin funksioneer.

Die personeel by CTexT is besig met ’n verskeidenheid navorsings- en ontwikkelingsaktiwiteite. Hulle streef noue interaksie tussen hierdie navorsings- en ontwikkelingsaktiwiteite na. Navorsing moet waar moontlik tot produkontwikkeling lei/bydra, terwyl alle produkte in deeglike navorsing geanker is.

Die vier vernaamste aktiwiteite van CTexT behels die volgende:

• Navorsing (insluitend basiese, strategiese, toegepaste en marknavorsing)
• Ontwikkeling (insluitend die ontwikkeling van bronne en eindgebruikertoepassings en produkte)
• Kommersialisering van produkte en dienste
• Instandhouding van produkte en steun aan eindgebruikers/kliënte
 
Gegee die veld van Mensetaaltegnologie (MTT) en Rekenaarlinguistiek in Suid-Afrika, het CTexT drie spesifieke fokuspunte:

• Tale waarin min navorsing gedoen word (met spesifieke fokus op Suid-Afrikaanse tale);
• Redigeerinstrumente, rekenaargesteunde taalaanleersagteware, masjienvertaling en MTT-data; en
• Nuwe benaderings tot natuurliketaalverwerking.